Charter Document - 06190115
| Charter Number: | 06190115 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1227 - 1232 |
| Date type: | Assigned |
| Resource Link(s): |
People of Medieval Scotland |
Charter:
Universis Cristi fidelibus tam presentibus quam futuris Hugo decanus et capitulum Glasguense eternam in Domino salutem Sciatis nos intuitu pietatis ad petitionem venerabilis patris nostri Walteri Glasguensis episcopi concessisse et confirmasse Abbati et conventui monasterii de Passelet de Prestwic burgo de altera Prestwic de Cragin de Turnebery de Ruthglen de Curmannoc de Kathkert de Polloc de Mernes de Nelston de Kylberhan de Houston de Kilhelan de Kylmalcolm de Innyrkyp de Neueth de Kylpatric ecclesias in usus proprios cum vacaverint convertendas inperpetuum habendas et possidendas ita libere quiete plenaria et honorifice sicut aliqui viri religiosi in episcopatu Glasguensi alias ecclesias sibi in usus proprios concessas liberius quietius plenius et honorificentius tenent et possident Salva taxatione vicariorum et salvis synodalibus et procurationibus ab eisdem ecclesiis recipiendis sicut plenius continetur in scriptis inter predictum Episcopum et ipsos monachos confectis Ad cujus rei perpetuam firmitatem hanc nostre concessionis et confirmationis cartam sigillo capituli nostri fecimus communiri Hiis testibus domino Waltero episcopo Glasguensi magistro Hugone archidiacono Glasguensi domino Radulfo capellano domini Regis magistro Cristino de Stratheren domino Philippo de Perthec magistro Radulfo de Brade Warino Benjamin et Waltero clericis domini Episcopi Glasguensis Radulfo Petro Simone capellanis et aliis vicariis Glasguensibus cum multis aliis
Source (click image below to view full size)
