Charter Document - 06190110
| Charter Number: | 06190110 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1219 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius episcopus servus servorum Dei dilectis filiis Priori et conventui de Passelet Cluniacensis ordinis salutem et apostolicam benedictionem Solet annuere sedes apostolica piis votis et honestis petentium precibus favorem benevolum impertiri ea propter dilecti in Domino filii vestris justis postulationibus grato concurrentes assensu ad exemplar felicis recordationis Innocentii pape predecessoris nostri personas vestras et monasterium ipsum in quo divino mancipati estis obsequio cum omnibus bonis que impresentiarum rationabiliter possidet aut in futurum justis modis prestante Domino poterit adipisci sub beati Petri et nostra protectione suscipimus Specialiter autem concessionem ecclesiarum de Katkert de Ruthglen de Cormannoc de Kilberhan de Mernes et de Polloc a bone memorie Jocelino Glasguensi episcopo de capituli Glasguensis assensu et Florentio Glasguensi electo dum curam gereret ecclesie Glasguensis ad vestram hospitum vestrorum et pauperum sustentationem liberaliter vobis factam cum omnibus pertinentiis suis decimis videlicet reditibus terris et possessionibus aliis sicut pie et provide facta est et in autenticis eorundem plenius continetur vobis et per vos eidem monasterio vestro auctoritate apostolica confirmamus et presentis scripti patrocinio communimus Nulli hominum omnino liceat hanc paginam nostre protectionis et confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Reate ii Idus Junii pontificatus nostri anno tertio
Source (click image below to view full size)
