Charter Document - 06190107
| Charter Number: | 06190107 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1202 - 1207 |
| Date type: | Assigned |
| Resource Link(s): |
People of Medieval Scotland |
Charter:
Florentius Dei gratia Glasguensis electus omnibus sancte matris ecclesie filiis tam presentibus quam futuris salutem in Domino Sciatis nos Dei intuitu et paupertatis domus de Passelet ad exemplum felicis memorie Jocelini episcopi predecessoris nostri de communi consilio et consensu capituli nostri concessisse et hac carta nostra confirmasse Deo et ecclesie Sancti Jacobi et Sancti Mirini de Passelet et monachis ibidem Deo servientibus in liberam et quietam et perpetuam elemosinam ad usus suos et domus sue sustentationem ecclesiam de Kathkert ecclesiam de Ruthglen ecclesiam de Cormannoc ecclesiam de Kelberchan ecclesiam de Mernes et ecclesiam de Polloc cum terris et decimis et omnibus ipsarum ecclesiarum proventibus et justis pertinentiis suis et personatum earundem ecclesiarum Tenendas inperpetuum ita libere quiete plenaria et honorifice sicut aliqui viri religiosi in episcopatu Glasguensi aliquas ecclesias ad usus proprios sibi datas liberius quietius plenius et honorificentius tenent et possident et sicut carte bone memorie Jocelini episcopi juste testantur et confirmant Salvis nobis nostrisque successoribus episcopalibus inperpetuum Hiis testibus Herberto decano Roberto archidiacono Glasguensi magistro Johanne officiali nostro Beda Elia Jocelino canonicis nostris Glasguensibus Philippo de Perthec et magistro Theoderico et Mauricio Luvell clericis nostris Benedicto capellano Johanne de Kilbrid et multis aliis
Source (click image below to view full size)
