Charter Document - 06190106
| Charter Number: | 06190106 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1199 |
| Date type: | Assigned |
| Resource Link(s): |
People of Medieval Scotland |
Charter:
Jocelinus Dei gratia Glasguensis episcopus universis sancte matris ecclesie filiis tam presentibus quam futuris salutem in Domino Noverit universitas vestra nos divine caritatis intuitu et paupertatis domus de Passelet concessisse et hac carta nostra confirmasse monachis in ecclesia Sancti Jacobi de Passelet servientibus et servituris ecclesiam de Katkert ecclesiam de Ruthglen ecclesiam de Cormannoc et ecclesiam de Kylberhan cum terris et decimis et ceteris omnibus ipsarum ecclesiarum proventibus et justis pertinentiis suis in usus proprios et ad sustentationem eorundem monachorum inperpetuum Tenendas in liberam et perpetuam elemosinam ita libere quiete plenaria et honorifice sicut aliqui viri religiosi in episcopatu nostro aliquas ecclesias ad usus proprios sibi datas et episcopali auctoritate confirmatas liberius quietius plenius et honorificentius tenent et possident Salvis episcopalibus et salvis possessionibus eorum qui in predictis ecclesiis per nos persone fuerunt tempore hujus concessionis aut vicarii substituti Hiis testibus Herberto decano Glasguensi Helya Beda Willelmo canonicis Glasguensibus Fulcone Olifard Johanne persona de Kelbrid Willelmo Francigena magistro Nicholaio capellanis Glasguensibus Johanne de Montegumeri Gerv clerico nostro et multis aliis apud Glasgu
Source (click image below to view full size)
