Charter Document - 06190101
| Charter Number: | 06190101 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1204 - 1226 |
| Date type: | Assigned |
| Resource Link(s): |
People of Medieval Scotland |
Charter:
Sciant tam presentes quam futuri quod ego Robertus Croc audito et intellecto jure monachorum de Passelet quod habent in ecclesia de Neliston coram domino Waltero filio Alani et aliis probis hominibus recognovi injuriam qua ipsos monachos super eadem ecclesia aliquando vexabam et cum per instrumenta legitima intellexi eandem ecclesiam ad me nullo jure pertinere omnem calumpniam quam me in ipsa ecclesia habere putabam vel dicebam pro salute anime mee eis remisi et a me et heredibus meis inperpetuum quietam clamavi In cujus rei testimonium presentem cartam scribi feci et sigillo meo muniri Hiis testibus domino Waltero filio Alani domini Regis senescallo Radulfo capellano suo Malcolmo Loccard Willelmo de Meringis Hugone filio Reginaldi Luca capellano de Passelet Rogerio Nicholaio clericis et multis aliis
Source (click image below to view full size)
