Charter Document - 06190099
| Charter Number: | 06190099 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Obligation |
| Date: | 1270 - 1298 |
| Date type: | Assigned |
| Resource Link(s): |
People of Medieval Scotland |
Charter:
Omnibus has litteras visuris vel audituris Herbertus Maxwell miles salutem in Domino Noverit universitas vestra nos et heredes nostros teneri et obligari ad inveniendum capellanum quendam celebraturum divina inperpetuum in honorem beate Virginis Marie pro nobis et antecessoribus et successoribus in ecclesia de Mernes juxta tenorem littere cujusdam a nobis confecte que penes Abbatem et conventum de Passelet dignoscitur residere Et si contingat nos vel heredes nostros contra ordinationem nostram contentam in dicta littera aliquo modo vel tempore totaliter vel in parte venire quod absit volumus teneri predictis Abbati et conventui in decem marcis nomine pene in utilitatem monasterii de Passelet convertendis pro qualibet vice qua contra dictam ordinationem nostram duxerimus veniendum dum tamen nos vel heredes nostri post mensem post quam dicta ordinatio nobis fuerit ostensa absque causa rationabili eidem ordinationi duxerimus resistendum ita quod soluta pena predicta ordinatio nostra in suo robore nihilominus perseveret In cujus rei testimonium presentibus sigillum nostrum opposuimus
Source (click image below to view full size)
