Charter Document - 06190098

Omnibus has litteras visuris vel audituris Herbertus de Maxwell miles salutem in Domino Noverit universitas vestra me dedisse concessisse et hac presenti carta mea confirmasse Deo et gloriose Virgini Marie matri sue pro salute anime mee et animarum antecessorum meorum et successorum sex marcas argenti annui redditus de proventibus molendinorum meorum de Mernes in le Aldton vel de proventibus aliorum molendinorum meorum de Mernes de quibus melius et citius dicte sex marce annui redditus levari poterunt percipiendas ad terminos qui secuntur videlicet tres marcas ad festum Pentecostes et tres marcas ad festum Sancti Martini in hyeme Tenendas et habendas libere et pacifice et quiete in puram et perpetuam elemosinam absque omni servitio seculari exactione vel demanda pro sustentatione invenienda cuidam capellano qui annuatim inperpetuum celebrabit divina in honorem beate Virginis Marie in ecclesia parochie de Mernes pro vivis et defunctis Et volo concedo et ordino quod quotiens capellanus qui ad hujusmodi officium exequendum fuerit deputatus cesserit vel decesserit licebit mihi et heredibus meis alium capellanum loco ipsius substituere irrequisito consensu dioecesani et cujuslibet alterius judicis ecclesiastici vel secularis pro libito nostre voluntatis prout viderimus expedire [et] magis secundum Dominum et honestatem ecclesie fuerit oportunum Predictas donationem et concessionem ego et heredes mei manu tenebimus warantizabimus acquietabimus et defendemus inperpetuum contra omnes homines et feminas ut premissum est et ad hoc volumus obligari per presentes Hiis testibus domino Ada rectore ecclesie de Liberton domino Alano perpetuo vicario de Mernes Johanne de Maxwell domino de Polloc inferiori domino Alano de Glaffrud milite Waltero filio Gilberti Johanne clerico Gilberto de Malotifhok et Matheo de Flandre et aliis In cujus rei testimonium presentibus sigillum meum una cum sigillo officialitas curie Glasguensis est appensum