Charter Document - 06190092
| Charter Number: | 06190092 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1196 |
| Date type: | Assigned |
| Resource Link(s): |
People of Medieval Scotland |
Charter:
Jocelinus Dei gratia Glasguensis episcopus universis sancte matris ecclesie filiis tam presentibus quam futuris salutem in Christo Sciatis nos concessisse et hac nostra carta confirmasse Deo et ecclesie Sancti Mirini de Passelet et monachis ibidem Deo servientibus ecclesiam de Pulloc cum omnibus ad eandem ecclesiam juste pertinentibus in liberam et perpetuam elemosinam ad proprios usus et sustentationem ipsorum monachorum inperpetuum et ipsius ecclesie personatum ipsis monachis auctoritate episcopali damus et hac carta nostra confirmamus Quare volumus ut predicti monachi de Passelet teneant et possideant inperpetuum ad usus proprios et sustentationem suam predictam ecclesiam de Pulloc cum terris et decimis et omnibus obventionibus et rectitudinibus ad eam pertinentibus ita libere quiete plenaria et honorifice sicut aliqua conventualis ecclesia aliquam parochialem ecclesiam in episcopatu Glasguensi liberius quietius plenius et honorificentius tenet et possidet Salvis ecclesie Glasguensi et nobis et nostris successoribus episcopalibus inperpetuum Hiis testibus Herberto Dicheson Simone archidiacono Glasguensi Helya Bede Willelmo canonicis Glasguensibus Petro decano de Cludesdele Waltero et Johanne clericis nostris Ricardo clerico de Dundonald Philippo clerico Willelmo persona de Drumsirgar Johanne persona de Kilbrid Willelmo Franc Cuthberto Gregorio Laurentio Nicholao et Petro capellanis Nicholaio clerico et Gilberto filio Eadgari Alexandro de Hirdmanestun et Alexandro filio suo Alano de Mungumry David de Stubhou et pluribus aliis
Source (click image below to view full size)
