Charter Document - 06190090
| Charter Number: | 06190090 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1177 - 1195 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis tam presentibus quam futuris Petrus de Polloc salutem Sciatis me concessisse et presentis scripti munimine confirmasse Deo et ecclesie Sancti Jacobi de Passelet et monachis ibidem Deo servientibus in liberam et perpetuam elemosinam ecclesiam de Mernes sicut carta Helye fratris mei testatur qui illis eandem ecclesiam dedit cum terris et decimis pratis et pascuis et omnibus aliis aisiamentis que ad ipsam ecclesiam juste pertinere debent Quare volo ut predicti monachi de Passelet teneant et possideant prenominatam ecclesiam cum omnibus rectitudinibus et justis pertinentiis suis ita libere et quiete plenaria et honorifice sicut alii viri religiosi in episcopatu Glasguensi tenent et possident aliquam ecclesiam liberius quietius plenius et honorificentius Hiis testibus Waltero Murpac Willelmo fratre episcopi Mureive Waltero filio Arnaldi de Parthec Adam de Neubotle Roberto de Lectun Symone fratre ejus Frepebaldo filio Hometancardi Rogerio clerico et multis aliis
Source (click image below to view full size)
