Charter Document - 06190087

Omnibus hanc cartam visuris vel audituris Jacobus senescallus Scotie salutem in Domino Quia antecessores mei ab initio monasterium de Passelet construendo fundaverunt et Deo et Sancto Jacobo et Sancto Mirino et monachis ibidem Deo servientibus et inperpetuum servituris plures donationes et libertates ad eorundem sustentationem intuitu Dei et [pro] animarum suarum perpetua salute caritative contulerunt Ego predictus Jacobus ob devotionem et favorem erga predictos religiosos conceptum volens eorundem jura et libertates tempore meo pro me et heredibus meis sine apochis mento aliquo inperpetuum augmentare dictos religiosos et eorum monasterium in quibusdam articulis donationibus et libertatibus de novo specialiter infeodo ut sequitur et infeodavi Sciant tam presentes quam futuri quod ego predictus Jacobus senescallus do concedo et hac presenti carta mea confirmo dictis religiosis et eorum monasterio in liberam puram et perpetuam elemosinam donationes et libertates subscriptas videlicet quod liberam et plenam potestatem habeant per totam forestam meam infra baroniam de Renfru ubi magis eis fuerit aisiamento sum et eis videbitur expedire sine aliqua perturbatione districtione vel contradictione lapidicinia frangendi tam ad edificandum quam ad calcem comburendam in omnibus eorum necessariis apud Nigram aulam et [in] foresta predicta ubicumque poterunt predicta inveniri carbones marinos fodiendi ad dictam calcem et dictos carbones comburendos tam ad opus monasterii sui quam grangiarum suarum fabrorum braciatorum et braciatricum suorum capiendi et carbones de mortuo bosco comburendi et glebas de terra fodiendi ad dictas carbones cooperiendos et etiam in foresta mea predicta de viridi bosco omnia aisiamenta sua capiendi ad necessaria sua tam ad edificandum pro monasterio suo [et] grangiis suis infra dictam baroniam in quibus de antecessoribus meis in capite sunt infeodati quam ad omnem operationem culture et husbandrie et piscariam quas de nobis tenent infra dictam baroniam et mortuum boscum ad comburendum sine impedimento apochis mento aliquo vel aliqua districtione et quod homines eorundem religiosorum in terris suis infra dictam baroniam manentes habeant de viridi bosco de dicta foresta ad edificandum et operationem culture eorum necessaria et de mortuo bosco ad comburendum per visum forestarii exceptis hominibus suis in le Glen et hominibus eorum terras illas inhabitantibus quas de dono antecessorum meorum non habent et exceptis hominibus terras ecclesiarum in dicta baronia inhabitantibus Salvis tamen parcis meis et foresta prohibita Et etiam sua necessaria predicta cariandi per omnes vias et semitas in dicta foresta tam plaustris bigis equis et bobus quam omnibus aliis modis cariandi cum libero introitu et exitu sine atachiamento vel aliquo impedimento tam pro se et monasterio suo quam grangiis suis infra dictam baroniam de Renfru constructis et construendis Salvis maneriis meis et heredum meorum pomeriis parcis ortis bladis foresta mea prohibita per has divisas videlicet sicut le Ruttanburn descendit in Lauerane et sic per aquam de Laueran ascendendo usque in le Blakburn et sic per le Blakburne ascendendo usque in quoddam sykcum inter Lochleboksyd et le Wlplayss et sic per illud sykcum ascendendo usque in lacum de Cochlebok et sic per predictum lacum versus occidentem usque ad metas de Caldwell et sic per metas de Caldwell versus aquilonem ascendendo per quoddam fossecum ex parte occidentali de Carmelcolme inter le Langesawe et Dungelesmore et sic de illo fosseco ex transverso le mosse usque ad caput de Haldpatryk et sic per Haldpatrik descendendo usque ad metam de Stanley et sic per metam de Stanley descendendo inter Stanley et le Cokplayss usque in le Ruttanburn et sic per le Ruttanburn descendendo usque in Laueran Volo insuper et concedo pro me et heredibus meis quod Abbas monachi predicti conversi clerici et proprii homines dictorum religiosorum videlicet de familia abbatis monachorum et conversorum monasterii predicti libere et sine attachiamento possint ire transire et redire portare gladios arcus sagittas et cetera arma sibi necessaria omni tempore anni et leperarios et alios canes ducere eundo et redeundo per vias de Arlaw Conwaran le Rass et de Stokbryg et semitas husbandorum assuetas Salvis foresta mea predicta prohibita feris et avibus videlicet aucipitribus falconibus et nisis solummodo exceptis Et si necessario contingat ipsos vel eorum aliquos vel aliquem ire transire cum canibus vel sine canibus per predictam forestam prohibitam canes ducant ligatos et corde arcuum dum pertransierint deponantur Et quod dicti religiosi plenam et liberam habeant potestatem canes habendi tam extra monasterium suum quam infra in domibus predicto monasterio proximo prope adjacentibus ex utraque parte aque de Kert et insule monachorum et infra terram suam propriam potestatem habeant aucupandi et per omnes rivulos foreste mee predicte et per totam aquam de Kert que prope monasterium predictum currit et Kertlochwinnok subtus le yare de Hathendonnam piscandi salvis lacubus meis propriis stagnis et vivariis Concessi etiam eisdem religiosis quod nulli servientes seu ballivi mei vel heredum meorum ad opus meum vel heredum meorum seu alicujus alterius infra terras dictorum religiosorum aliquas capiant prisas seu captiones nec aliqua victualia seu alia monasterio suo aut hominibus eorundem necessaria portantes seu cariantes in terra mea et sua impediant aut perturbant nec debitores farine decimalis seu eorum homines dictam farinam cariantes ad suum monasterium per vias foreste assuetas vel visitandas eundo aut redeundo attachientur vel aggraventur nisi feris et avibus dampnum inferant Preterea do et concedo dictis religiosis quod liberum ductum aque de Espdayr habeant ad molendina sua sine aliqua diminutione aque predicte per me vel heredes meos facienda et quod libere possint facere et reficere dictum aqueductum et glebas sumere tam infra parcum Nigre aule quam extra parcum quo necessarie fuerint sine aliquo impedimento seu attachiamento mei vel heredum meorum ita quod ego et heredes mei potestatem habeamus molere bladum nostrum proprium ad molendina de Espdayr propriis nostris sumptibus ita quod ob hoc dicti religiosi in victualibus suis et sui monasterii necessariis non habeant nec patiantur defectum Item volo et concedo quod homines eorundem religiosorum terram suam inhabitantes solvant tale parcagium pro animalibus suis in partibus foreste predicte que fuerint in manibus husbandorum cum metas suas pertransierint quale husbandi mei seu heredum meorum pro parcagio hominibus dictorum religiosorum solvere consueverunt videlicet obolum argenti et si aliqua pars predicte foreste in manibus meis vel heredum meorum sine assedatione permanserit et animalia husbandorum dictorum religiosorum illam intraverint tale parcagium solvent quale dicti monachi de animalibus suis propriis dabunt pro parcagio videlicet unus dabitur denarius pro quinque animalibus non facta custodia extra Forineson et cum facta custodia extra Forinefon sex dabuntur denarii et si animalia eorundem religiosorum seu hominum suorum dictas metas infra Forineson cum facta custodia pertransierint de uno animali erunt in misericordia et non facta custodia infra Forineson duodecim dabuntur denarii pro omnibus animalibus sive animali Insuper concedo et pro me et heredibus meis [per] presentem cartam meam confirmo dictis monachis tam presentibus quam futuris et eorum monasterio in liberam puram et perpetuam elemosinam omnes donationes concessiones et libertates quas antecessores mei eisdem religiosis et eorum monasterio fecerunt et contulerunt videlicet de ecclesiis decimis terris pascuis piscariis possessionibus reditibus et aliis bonis universis omnibus cartis antecessorum meorum eis datis et concessis in omnibus et singulis articulis possessionibus et libertatibus in eisdem contentis preter hec in suo robore et virtute duraturis quibus dicti monachi vestiti erant et seysiti die hujus concessionis collationis et confirmationis In cujus rei testimonium sigillum nostrum presenti carte est appensum Hiis testibus venerabili patre domino Roberto Dei gratia tunc episcopo Glasguensi Johanne Senescallo fratre meo Andrea Frans Johanne de Soulys Nicholaio Cambell Reginaldo de Crauford Arthuro de Donnon militibus Galdfrido de Caldcot Willelmo de Schaw Alexandro de Normavilla Patricio de Louwell clericis Gilberto de Conigburg Johanne Pride Gilisio de Estwode Waltero filio Gilberti laycis et multis aliis Datum apud Nigram aulam die dominica infra octavas epiphanie Domini anno gratie millesimo ducentesimo nonagesimo quarto