Charter Document - 06190081
| Charter Number: | 06190081 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1241 - 1247 |
| Date type: | Assigned |
| Resource Link(s): |
People of Medieval Scotland |
Charter:
Alexander filius Walteri Scotie senescallus dilecto et fideli suo Thome de Bosco baronie de Renfru salutem Mando tibi et precipio quatinus per probos et fideles homines mensurari facias totam illam terram que fuit monachorum de Passelet quam dominus pater meus et ego includi fecimus in parco nostro ex occidentali parte rivuli de Espdare et quot acras ibidem inveneritis tot acras sine omni dilatione eis liberari facias propinquiores ecclesie eorum de Innirkyp quas eis dedi in excambium terre supradicte Preterea eisdem incontinenti saisinam facias de sex acris terre propinquioribus capelle de Lochwinhoc quas eis dedi in liberam puram et perpetuam elemosinam ex debito et promisso domini patris mei pro terra que fuit Willelmi Francigeni apud Innirwic que michi et heredibus meis remanebit inperpetuum Tibi insuper precipio quatinus eisdem monachis solvi facias singulis annis de firma de Inchynnan octo celdras farine videlicet duas celdras quas eis debeo per cartam meam pro multura de Rass et sex celdras quas ego et domina mater mea eis debemus annuatim in vita domini Radulfi capellani in excambium terre eorum de Innerwic et nullo modo omittas quin facias eis satisfieri de omnibus arreragiis dictarum sex celdrarum in quibus ego et domina mater mea eis tenemur In cujus rei testimonium has litteras meas patentes tibi mitto Vale
Source (click image below to view full size)
