Charter Document - 06190080
| Charter Number: | 06190080 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1246 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Cristi fidelibus tam presentibus quam futuris Alexander filius Walteri Scotie senescallus salutem Sciatis me dedisse concessisse et carta mea confirmasse Deo et Sancto Jacobo et Sancto Mirino monasterii de Passelet et monachis ibidem Deo servientibus et inperpetuum servituris duas celdras farine singulis annis percipiendas de firma mea de Inchynnan pro multura terre de Rass que fuit de secta molendini de Passelet et quam michi et heredibus meis pro dictis duabus celdris quietam clamaverunt et ego et heredes mei quieti erimus de multura dicte terre de Rass inperpetuum solvendo dictas celdras eisdem annuatim In cujus rei testimonium sigillum meum huic carte apposui Hiis testibus magistro Willelmo Lindsai decano Glasguensi Radulfo capellano domini Regis domino Thoma filio Ranulfi domino Alano de Insula militibus meis Thoma de Bosco senescallo meo Waltero de Karel Waltero de Threske clericis meis et multis aliis Acta apud Linlithcu die lune proxima post octavas Epiphanie anno nativitatis dominice millesimo ducentesimo quadragesimo sexto coram testibus supradictis
Source (click image below to view full size)
