Charter Document - 06190079
| Charter Number: | 06190079 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1226 - 1232 |
| Date type: | Assigned |
| Resource Link(s): |
People of Medieval Scotland |
Charter:
Walterus filius Alani senescallus domini Regis Scotie tam presentibus quam futuris salutem Sciatis me pro anima domini Roberti de Brus relaxasse inperpetuum Abbati et conventui de Passelet totam firmam quam michi debuerunt pro molendino de Passelet Quare volo ut libere et quiete teneant et possideant in puram et perpetuam elemosinam illud molendinum cum plenaria secta sua et multura de Rass et de Nigra aula et de omnibus aliis terris ad illud pertinentibus Preterea dedi et concessi dictis Abbati et conventui sex celdras farine ex firma de Inchinnan annuatim percipiendas usque ad obitum Radulfi capellani qui in tota vita sua per cartam meam tenet illam carucatam terre de Hillynton quam eis dedi in escambium terre sue de Inirwic de quo escambio illi habent cartam meam et ego habeo cartam eorum Hiis testibus Radulfo Willelmo Udardo capellanis Malcolmo Loccard Rogerio filio Glaii Galfrido Mariscallo Radulfo de Insula Waltero Russell Willelmo Scot et multis aliis
Source (click image below to view full size)
