Charter Document - 06190077
| Charter Number: | 06190077 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1255 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Alexander episcopus servus servorum Dei dilectis filiis Priori et conventui de Wenloc Cluniacensis ordinis Herefordensis dioecesis et nobili viro Alexandro senescallo Scotie salutem et apostolicam benedictionem Justis petentium desideriis dignum est nos facilem prebere consensum et vota que a rationis tramite non discordant effectu prosequente complere Sane petitio vestra nobis exhibita continebat quod cum quondam Walterus filius Alani cujus tu fili Alexander heres existis pro anime sue remedio quandam terram que dicitur Passelet Glasguensis dioecesis spectantem ad ipsum ad divinum cultum videlicet ut aliqua religionis domus construeretur in ea duxerit deputandam vos quasdam ibidem libertates postmodum concessistis prout in litteris confectis exinde plenius dicitur contineri Nos itaque vestris precibus inclinati quod a vobis super hoc provide factum est et in alterius prejudicium non redundat ratum habentes et gratum illud auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Neapoli xii Kalendas Februarii pontificatus nostri anno primo
Source (click image below to view full size)
