Charter Document - 06190071
| Charter Number: | 06190071 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1219 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis hoc scriptum visuris vel audituris Rogerus prior de Passelet et ejusdem loci conventus eternam in Domino salutem Noverit universitas vestra nos communi consensu capituli nostri concessisse Roberto Croc et Henrico de Nes specialibus amicis domus nostre divine caritatis intuitu et ipsorum precis interventu licentiam construendi duo oratoria in clausis suis in quibus ad divina celebranda tantummodo sibi et familie sue et hospitibus suis capellanos per nos habebunt qui nobis sub sacramenti religione firmiter jurabunt quod erga matricem ecclesiam de Passelet in omnibus fideles existent et quod quicquid oblationis in ipsis oratoriis provenerit absque omni diminutione matrici ecclesie deportandum fideliter reservabunt Prefati etiam Robertus et Henricus in pleno capitulo tactis sacrosanctis firmiter juraverunt quod per illa oratoria matrici ecclesie de Passelet ipsis scientibus nullum eveniet dispendium et quod nullos parochianos in illis oratoriis missam audituros recipient Ipsi autem et familie sue in omnibus precipuis festivitatibus ad matricem ecclesiam nisi aliqua rationabilis causa impediat accedent Si vero per illa oratoria ecclesie de Passelet dispendium evenire nobis pro certo constiterit celebratio divinorum in illis funditus cessabit Ad majorem autem hujus nostre concessionis confirmationem et securitatem nos uni partium presentis chirographi illis commisse autenticum sigillum nostrum apposuimus ipsi quidem alteri partium penes nos retente sigilla sua appenderunt Hiis testibus Luca Radulfo Petro capellanis Philippo de Perthec Stephano de Kinardeflec Stephano prefecto de Renfru Johanne Ruchep et Willelmo fratre ejus Waltero de Porter Thoma clerico Rogerio diacono et Reinnaldo de Winloch et multis aliis
Source (click image below to view full size)
