Charter Document - 06190067
| Charter Number: | 06190067 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1177 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scottorum episcopis abbatibus comitibus baronibus justiciariis vicecomitibus ministris et omnibus probis hominibus totius terre sue clericis et laicis salutem Sciant presentes et futuri me concessisse et hac carta mea confirmasse Deo et Sancte Marie Virgini et ecclesie beati apostoli Jacobi Sancti Mirini et Sancte Milburge de Passelet et Priori et monachis ibidem Deo servientibus in liberam et perpetuam elemosinam unam carucatam terre in Molla per easdem divisas per quas eis mensurata fuit et perambulata et pasturam quingentis ovibus et aisiamenta pasture ceteris animalibus quantum pertinet ad unam carucatam terre in eadem villa cum omnibus aliis aisiamentis ita plenaria et honorifice et ita libere et quiete ab omnibus consuetudinibus et exactionibus et omni servitio seculari sicut carte Walteri filii Alani dapiferi mei et Eschine uxoris sue eis testantur et confirmant Testibus Roberto de Quinci justiciario Waltero de Berkel camerario Willelmo de Veteri ponte Gilleberto filio Richerii Philippo de Valon Johanne de Londoniis Roberto de Berkelei Simone Loccard apud Lanarcum
Source (click image below to view full size)
