Charter Document - 06190066
| Charter Number: | 06190066 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1173 - 1177 |
| Date type: | Assigned |
| Resource Link(s): |
People of Medieval Scotland |
Charter:
Eschina domina de Molla omnibus sancte matris ecclesie filiis tam presentibus quam futuris salutem Sciatis me dedisse et concessisse et hac mea carta confirmasse Deo et Sancte Marie et ecclesie Sancti Jacobi Sancti Mirini et Sancte Milburge de Passelet et Priori et monachis ibidem Deo servientibus pro salute domini mei Willelmi regis et David fratris sui et domini mei Walteri et pro salute mea et heredum nostrorum et pro anima regis David et regis Malcolmi et comitis Henrici et anima Margarete filie mee et pro animabus omnium parentum nostrorum et amicorum inperpetuum et quietam elemosinam unam carucatam terre in occidentali parte de Blachedane in territorio meo de Molla per easdem divisas per quas eis perambulata fuit scilicet sicut Stelnaburna cadit in Blakburne et per Blakburne sursum usque ad duos lapides jacentes prope ripam de Blakburne ex opposito domus Ulfi senescaldi in occidentali parte et ita sursum usque ad fossam unam et usque ad duos lapides stantes in eadem fossa et ab illis lapidibus usque ad aliam fossam cumulatam lapidibus et ab illa fossa usque ad aliam fossam iterum cumulatam lapidibus et ab illa fossa usque ad Heselensahe et per semitam quandam subtus Heselensahe que tendit usque ad vadum torrentis de Alernbarhe et a vado illo ultra usque ad vadum de Stelenburne et sicut Stelenburne descendit in Blakburne illam vero terram infra predictas divisas tenebunt pro una carucata terre et in villa de Molla in orientali parte quatuor acras et tres perticatas terre et communem pasturam cum omnibus aliis aysiamentis ejusdem ville ad unam carucatam terre pertinentibus insuper pasturam quingentis ovibus Hanc vero predictam elemosinam tenebunt de me et heredibus meis libere et quiete ab omnibus consuetudinibus et exactionibus et ab omni servitio seculari Hiis testibus Willelmo de Vas Willelmo de Munfiehet et Ricardo de Nicole et Ricardo filio ejus Radulfo capellano Roberto capellano Gam vicario de Molla et Humfrido filio ejus Nicholao filio Adam Ulfo senescallo Willelmo Nobili Radulfo Falahe Gilberto Scoth Willelmo clerico Iuone et multis aliis
Source (click image below to view full size)
