Charter Document - 06190063
| Charter Number: | 06190063 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Adam de Burne filius Ade de Burne salutem Noverit universitas vestra quod cum ego Adam et Marjoria sponsa mea et liberi nostri gravi essemus paupertate obpressi et debitis quam plurimis onerati sine venditione terre quam habuimus de paupertate nostra resurgere et debita nostra acquietare non potuimus unde necessitate compulsi que legem non patitur de communi consensu et assensu nostro totam terram meam quam in villa de Neuton juxta Are habui et tenui de dominis meis Abbate et conventu de Passelet eisdem dominis Abbati et conventui vendidi et presenti carta mea confirmavi cum pertinentiis libertatibus et aysiamentis sine aliquo retine mento ad opus mei vel heredum meorum propter quinque marcas argenti quas mihi pacaverunt per manibus ad debita mea acquietanda et reddidi eis per fustem et baculum totum jus quod mihi vel heredibus meis competiit vel competere potuit vel debuit in predicta terra totaliter una cum carta quam de eis habui de predicta terra Unde volo et pro me et heredibus meis concedo ut si aliquo tempore aliqua carta reperta fuerit que de dicta terra fecerit mentionem ut in illa jus habeamus hereditarium nullius sit momenti nec nobis aliquo tempore valitura Preterea volo et concedo quod nec ego seu heredes mei aliquo jure judicio casu legibus vel consuetudinibus intervenientibus aliquod juris in predicta terra exigere vel clamare poterimus inperpetuum Et si forte contingat quod ego vel predicta Marjoria sponsa mea seu heredes nostri aliquo tempore contra hanc venditionem et conventionem in alio tempore venire voluerimus vel reclamare nos dictis Abbati et conventui nomine pene viginti libras sterlingorum ante litis ingressum vel antequam in alia curia vocem habeamus litigandi de plano et absque strepitu judiciali plene persolvemus Et ad majorem securitatem tactis sacrosanctis fideliter juravi hanc conventionem in quolibet articulo observare illesam subjeci me jurisdictioni domini episcopi Glasguensis seu ejus officialis vel archidiaconi qui pro tempore fuerint ut alter eorum possit me et predictam Marjoriam sponsam meam et heredes nostros tam ad solutionem pene si committatur quam observationem omnium premissorum per censuram ecclesiasticam compellere omni appellatione et contradictione ex parte nostra postpositis et suspensis In hujus rei testimonium sigillum meum presenti scripto apposui Hiis testibus domino Willelmo capellano David Syward clerico Roberto de Kent Waltero Marscallo Hugone Rolando camerario Willelmo Gray et multis aliis
Source (click image below to view full size)
