Charter Document - 06190056

Omnibus Christi fidelibus presens scriptum visuris vel audituris Johannes de Aldhus filius Rogerii de Aldhus salutem in Domino sempiternam Noverit universitas vestra me dedisse concessisse et presenti scripto meo quietum clamasse et resignasse religiosis viris Abbati et conventui de Passelet totum jus quod mihi vel heredibus meis competit vel aliquo tempore competiit vel competere potuit vel debuit aliquo casu jure vel judicio in quadam portione terre de Aldhus cum pertinentiis quam quidem portionem Patricius filius Nevyn de predictis religiosis aliquo tempore tenuit ad firmam Et quia predicta portio terre prenominate dos est ecclesie Sancti Convalli de Polloc fateor me et recognosco injuste super eadem portione terre predictis Abbati et conventui movisse questionem quare volo et pro me et heredibus meis presenti scripto meo concedo quod prenominati Abbas et conventus predictam portionem terre cum pertinentiis habeant teneant et possideant libere quiete et pacifice inperpetuum sine omni perturbatione inquietatione vel juris vendicatione ex parte mea vel heredum meorum omni casu contingente Insuper volo et pro me et heredibus meis concedo quod si aliquod instrumentum quocumque tempore repertum fuerit per quod mihi vel heredibus meis jus competit vel competere poterit vel debeat in predicta portione terre seu in residuo terre de Aldhus nullius sit roboris vel firmitatis sed potius irritum et inane et nobis vel alicui nostrum nullo tempore de cetero valiturum Et ad majorem hujus rei securitatem ad sancta Dei evangelia pro me et heredibus meis corporale prestiti sacramentum quod nec ego nec heredes mei supra predicta terra de Aldhus vel aliqua parte ipsius impostorum contra predictos Abbatem et conventum movebimus questionem sub pena centum librarum fabrice ecclesie Glasguensis plene et integre solvendarum ante litis ingressum in aliqua curia movendum presenti scripto nihilominus in suo robore remanente Et insuper subposui et subpono me et heredes meos inperpetuum jurisdictioni et coercioni domini episcopi Glasguensis et ejusdem loci archidiaconi si sedes vacaverit ut alter ipsorum possit nos vel quemlibet nostrum tam ad solutionem pene si committatur quam ad observationem prescripte concessionis renunciationis et quiete clamationis per censuram ecclesiasticam compellere de plano et sine strepitu judiciali ex sola inspectione hujus instrumenti nullo proponendo obstante vel valituro In cujus rei testimonium quia sigillum meum non est notorium presens scriptum sigillo officialitas curie Glasguensis una cum sigillis Nicholai filii Alani et Johannis de Knoc et Thome de Fulton necnon et cum sigillo meo proprio feci roborari Hiis testibus domino Waltero Lindesay domino Reginaldo de Crauforde domino Simone Flandrens Johanne Prid Arthuro de Dunhou Willelmo de Knoc Alano de Fulton Johanne de Schau Waltero de Picnoc et multis aliis