Charter Document - 06190055
| Charter Number: | 06190055 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1265 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Rogerius filius Reginaldi de Aldhous salutem Noverit universitas vestra me dedisse concessisse et hac presenti carta mea quietum clamasse Deo et Sancto Jacobo et Sancto Mirino de Passelet et monachis ibidem Deo servientibus et inperpetuum servituris totum jus quod mihi vel heredibus meis competit vel aliquo tempore competiit vel competere potuit vel debuit in tota terra de Aldhus quam quidem terram ego et pater meus alio tempore ad firmam tenuimus de monachis prenominatis et quia divinam ultionem timui si predictam terram que dos est ecclesie Sancti Convalli de Polloc in periculum anime mee detinerem occupatam volo et pro me et heredibus meis concedo ut predicti monachi totam terram predictam cum omnibus libertatibus pertinentiis et aisiamentis suis sine omni inquietatione perturbatione calumpnia vel gravamine ex parte mea et heredum meorum inperpetuum teneant habeant et possideant adeo libere quiete plenaria et honorifice sicut aliquam terram liberius tenent et possident Insuper volo et pro me et heredibus meis concedo quod si aliquo tempore aliquod instrumentum repertum fuerit quod nomine meo vel heredum meorum de predicta terra fecerit mentionem seu per quod aliquod jus mihi vel heredibus meis exigi poterit vel vendicari in eadem nullius sit momenti nec mihi nec heredibus meis seu alicui alio aliquo tempore valiturum Et ad hanc donationem concessionem et quietam clamationem fideliter observandam et tenendam tactis sacrosanctis corporale prestiti juramentum et ad majorem securitatem presenti scripto sigillum meum duxi apponendum Hiis testibus dominis Galfrido et Thoma de Passelet et Thoma de Polloc capellanis Thoma de Polloc et Thoma de Burg Waltero filio Roberti Seth clerico de Kilpatric ad Gaugi Thoma Stute Rogerio clerico et aliis Datum apud Passelet dominica proxima post festum Sancti Hillarii anno gratie millesimo ducentesimo sexagesimo quinto
Source (click image below to view full size)
