Charter Document - 06190051
| Charter Number: | 06190051 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1276 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Thomas filius et heres Ade dicti Carpentarii salutem in domino sempiternam Noverit universitas vestra me concessisse et presenti scripto meo confirmasse religiosis viris dominis Abbati et conventui de Passelet illam portionem terre de Haldehingleston quam predictus Adam pater meus eisdem vendidit et carta sua confirmavit Tenendam et habendam predictis Abbati et conventui inperpetuum libere quiete pacifice honorifice et hereditarie de me et heredibus meis cum omnibus pertinentiis libertatibus et aisiamentis sine aliquo retine mento adeo libere et quiete sicut carta predicti Ade patris mei super predicta portione predicte terre eis confecta plenius proportat et testatur et ad hanc concessionem et confirmationem meam fideliter observandam tactis sacrosanctis evangeliis corporale prestiti sacramentum Preterea volo et pro me et heredibus meis concedo quod carta quam de predicta portione terre habeo quo ad illam portionem de cetero irrita sit et inanis nec mihi nec heredibus meis nec alicui alio impostorum valitura In cujus rei testimonium presenti scripto sigillum meum apposui Hiis testibus domino Mauricio capellano de Passelet Johanne de Knoc Roberto filio et herede domini Roberti de Cunnygam Thoma de Fulton Waltero Marscall et aliis
Source (click image below to view full size)
