Charter Document - 06190050

Omnibus Christi fidelibus presens scriptum visuris vel audituris Adam dictus Carpentarius salutem in domino sempiternam Noverit universitas vestra me necessitate paupertatis compulsum que legem non patitur concessisse vendidisse et presenti carta mea confirmasse dominis Abbati et conventui de Passelet totam terram meam de Haldhingleston ultra propinquiorem wascellum subtus domum meam versus occidentem inter predictum wascellum et terram Ade de Kent propter quandam pecunie summam competentem quam prenominati Abbas et conventus mihi solverunt in magna necessitate mea ad exonerationem debitorum meorum et relevationem paupertatis mee et familie mee Tenendam et habendam predictis Abbati et conventui inperpetuum libere quiete pacifice et hereditarie de me et heredibus meis cum omnibus pertinentiis libertatibus et aisiamentis sine aliquo retene mento Nihil nobis inde faciendo preter communes orationes tanquam pro quolibet de populo Et ego et heredes mei predictam terram in omnibus sicut scriptum est predictis Abbati et conventui warantizabimus acquietabimus et defendemus inperpetuum In cujus rei testimonium presente Eva sponsa mea et auctoritatem et assensum ad premissa facienda prestante que tactis sacrosanctis spontanea voluntate et sine aliqua cohibitione sacramentum prestitit corporale quod nunquam contra predictos Abbatem et conventum super predicta terra post decessum meum ratione vel occasione seu jure dotis movebit questionem presenti scripto sigillum meum duxi apponendum Hiis testibus domino Willelmo Comite de Menteth dominis Johanne de Montegumery et Johanne de Irskyne militibus et Radulfo de Insula domino de Duchyl Nicholao filio Alani clerico Duncano Flandrensi Johanne de Cnok Thoma de Fulton et aliis multis