Charter Document - 06190045
| Charter Number: | 06190045 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1272 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has litteras visuris vel audituris dominus Antonius Lumbardus miles salutem in Domino sempiternam Noverit universitas vestra me concessisse dedisse et hac presenti scripto quietum clamasse domino Abbati et conventui de Passelet totum jus quod michi competit seu competiit vel competere poterit in posterum in tota terra de Fulton cum omnibus pertinentiis suis et in annuo redditu quatuor marcarum quas de camerario eorundem percipere consuevi annuatim propter quandam pecunie summam quam predicti Abbas et conventus ad instantiam precum mearum michi soluerunt per manibus ad exonerationem debitorum meorum Quare volo et concedo quod predicti Abbas et conventus prenominatam terram eorum de Fulton pacifice teneant habeant et possideant de cetero sine omni calumpnia perturbatione vel molestia ex parte mea vel alicujus alterius nomine mei et a solutione annui redditus predictarum quatuor marcarum perpetuo quieti sint absoluti et cartam eorum quam habui de premissis eisdem spontanea voluntate mea reddidi et restitui quare volo et concedo quod si aliquod scriptum de cetero repertum fuerit quod de premissis nomine mei fecerit mentionem nullius sit valoris vel virtutis nec michi vel alicui alteri nomine mei in posterum valiturum Et ut premissa fideliter et integre per me observentur ad sancta Dei evangelia sacramentum prestiti corporale et in hujus rei testimonium presenti scripto sigillum meum duxi apponendum Datum apud Passelet die Jovis proxima ante festum Sancti Barnabe apostoli anni gratie millesimi ducentesimi septuagesimi secundi Hiis testibus domino Roberto tunc capellano de Passelet Johanne de Knoc Thoma de Fulton Alexandro de Rutheglen Nicholaio de Rauilston Walter Pytnot et multis aliis
Source (click image below to view full size)
