Charter Document - 06190044
| Charter Number: | 06190044 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 - 1233 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis tam presentibus quam futuris Gilbertus filius Henrici de Sancto Martino salutem in Domino Noverit universitas vestra me gratam et ratam habere donationem et concessionem quas predictus Henricus pater meus in legia potestate sua et plena sanitate fecit domui de Passelet et monachis ibidem Deo servientibus per consensum et assensum mei heredis sui et aliorum amicorum suorum de duabus scilicet carucatas terre in Penuld quas Walterus filius Alani dominus suus et meus dedit ei pro servitio suo Concedo etiam predictam terram supradictis monachis et hac presenti carta mea illam eis confirmo liberam et absolutam penitus de me et de omnibus heredibus meis inperpetuum cum omnibus libertatibus quas carta domini Walteri patri meo donavit et carta patris mei ipsis monachis concessit Et ne ego vel aliquis heredum meorum huic concessioni et confirmationi mee aliquando innovare possit coram Roberto Croc et filio suo Alano et Radulfo et Luca capellanis et Radulfo Russell et Matheo filio suo Brennild et multis fidelibus affidavi et coram aliis tactis sacrosanctis juravi quod nec ego nec aliquis heredum meorum aliquam reclamationem contra hanc presentem concessionem et confirmationem predicte terre inperpetuum faciemus Hiis testibus Waltero Glasguensi episcopo Alano de Montegrininum Willelmo de Lindesaye Roberto de Croc et filio suo Alano Johanne Ose Henrico de Nese Symone filio Bertolof et multis aliis
Source (click image below to view full size)
