Charter Document - 06190041

Alexander Dei gratia rex Scottorum omnibus probis hominibus totius terre sue clericis et laycis salutem Sciant presentes et futuri nos concessisse et hac carta nostra confirmasse donationem illam quam Walterus filius Alani senescallus fecit Deo et conventui beate Marie de Dalmulin super Are de tota terra de Mernes cum omnibus contentis infra divisas scriptas in carta ipsius Walteri filii Alani cum libera et plena communia in turbariis de Prestwic et medietate omnium piscariarum suarum que sunt inter castrum de Are et villam de Yrewim Et de molendino de Prestwic cum sequela sua et omnibus justis pertinentiis suis Et de tofto Edoc in nova villa super Are qui jacet inter toftum Matilde Gestinger et toftum Walteri filii ipsius Edoc cum libero servitio ipsius Edoc Et de tota terra et pastura de Drumloy et Swineshales cum omnibus contentis infra divisas scriptas in carta predicti Walteri filii Alani Et de tota terra et pastura de Petithachengon cum omnibus contentis infra divisas scriptas in eadem carta Retentis sibi et heredibus suis in hiis terris et pasturis predictis feris et avibus tantummodo Ita tamen quod liceat prefato conventui ubicumque voluerint infra predictas divisas edificare et essartare ut domui sue viderint expedire absque molestia et impedimento Et de ecclesia de Dundonald cum capellis de Crosseby et de Ricardeston Et de ecclesia de Sanschar quantum ad laycam pertinet donationem Tenendas et habendas predicto conventui in liberam puram et perpetuam elemosinam inperpetuum adeo libere et quiete plenaria et honorifice sicut carte ejusdem Walteri filii Alani senescalli inde facte predicto conventui juste testantur Salvo servitio nostro Testibus Alano filio Rollandi constabularii Ingeramo de Baill Henrico de Baill Johanne de Makiswell Thoma filio Ran Waltero Cumin Waltero Byset Willelmo Lyndes David de Lyndes apud Are vicesimo octavo die Maii anno regni domini Regis sexto decimo