Charter Document - 06190039
| Charter Number: | 06190039 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1374 |
| Date type: | Internal, A.D., Feast |
| Resource Link(s): |
|
Charter:
Universis pateat per presentes me Willelmum More dominum de Abircorne recepisse per manus religiosorum virorum Abbatis et conventus monasterii de Passeleto ordinis Cluniacensis Glasguensis dioecesis trecentas marcas sterlingorum in pecunia numerata bonorum et legalium michi debitas ratione cujusdam compositionis per quosdam arbitros seu amicabiles compositores ad hoc specialiter electos prout in quadam littera inde confecta et sigillata sigillis dictorum arbitrorum sive amicabilium compositorum plenius continetur inter predictos religiosos et me inite super quadam annua pensione quadraginta marcarum quibusdam temporibus retroactis patri meo et michi tanquam ipsius heredi per supradictos religiosos nomine et ex parte Magistri domus canonicorum et monialum de Simpringham in Anglie solvi solitarum de quibus tres centis marcis sterlingorum fateor me plenaria persolutum et bene contentum et prefatos Abbatem et conventum ac eorum monasterium pro me et heredibus meis ac etiam successoribus meis quibuscunque quietos clamo et inperpetuum absolvo et facio cum religiosis supradictis pro me et heredibus meis ac etiam successoribus quibuscunque pactum de dictis tres centis marcis et annua pensione quadraginta marcarum predictarum ulterius non petendis In cujus rei testimonium sigillum meum presentibus est appensum Datum apud Qwarell die Martis proxima post festum sancte Trinitatis anno Domini millesimo tres centesimo septuagesimo quarto
Source (click image below to view full size)
