Charter Document - 06190037
| Charter Number: | 06190037 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1368 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus presentes litteras inspecturis Willelmus permissione divina magister ordinis de Simpringham priores et canonici ac moniales ordinis predicti salutem in omnium salvatore Cum nos per cartam nostram hereditarie concesserimus Reginaldo dicto More illum annuum redditum quadraginta marcarum sterlingorum quem religiosi viri Abbas et conventus monasterii de Passeleto nobis et domui nostre de Simpringham annis singulis reddere tenebantur noveritis nos unanimi nostro consensu et assensu pro nobis et successoribus nostris predictum annuum redditum quadraginta marcarum ac totum jus et clameum quod ratione vel occasione hujusmodi annui redditus sive annue pensionis erga predictos religiosis de Passeleto unquam habuimus seu vendicavimus aut habere seu vendicare poterimus in futurum totaliter resignasse et quietum clamasse inperpetuum ac omni juri in dicto annuo redditu sive annua pensione nobis seu successoribus nostris competenti seu competituro renunciasse ipsumque annuum redditum quadraginta marcarum ex certis causis nos ad hoc moventibus ex nunc penitus resignamus et eidem cedimus et renunciamus tam tacite quam expresse cessantibus in hac parte dolo et fraude quibuscunque obligantes nos priores canonicos et moniales predictos et successores nostros qui pro tempore erunt quod supradictos viros religiosos de Passeleto aut monasterium eorundem ob aliquam causam predictum annuum redditum con cernentem seu in posterum concernere valentem nullatenus molestavimus aut inquiet abimus seu erga ipsos religiosos aut monasterium eorundem alicujus litis questionem vel controversiam aliquatenus movebimus in futurum dummodo ipsi religiosi viri Abbas et conventus de Passeleto predicti hujusmodi annuum redditum quadraginta marcarum nobili viro domino Willelmo dicto More militi heredibus et assignatis suis singulis annis de cetero inperpetuum solvant ac ipsi et ipsis amodo correspondeant et satisfaciant de eadem prout tenentur et ad hoc sunt astricti In cujus rei testimonium has patentes litteras sigilli communis nostri ordinis de Simpringham appensione et nostri quo utimur in officio nostro corroborari fecimus et communiri Datum apud Simpringham in domo nostra capitulari decimo tertio kalendas Maii anno Domini millesimo trecentesimo sexagesimo octavo
Source (click image below to view full size)
