Charter Document - 06190033
| Charter Number: | 06190033 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1330 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presentes litteras inspecturis Philippus permissione divina magister ordinis de Simpringham canonicique et moniales predicti ordinis salutem in omnium salvatore Cum nos per cartam nostram hereditarie concesserimus Reginaldo dicto More illum annuum redditum quadraginta marcarum sterlingorum quem religiosi viri Abbas et conventus monasterii de Passelet nobis et domui nostre de Simpringham annis singulis reddere tenebantur noveritis nos pro nobis et successoribus nostris teneri et per presentes litteras firmiter obligari ad faciendum quascunque litteras resignationis super dicto annuo redditu prefatis Abbati et conventui de Passelet sub quacumque forma libi placuerit cum per dictum Reginaldum heredes suos vel suos assignatos fuerimus requisiti Necnon ad consignandum quascunque cartas seu munimenta quas vel que idem Reginaldus vel heredes sui aut assignati super dicta concessione nostra in competentiori forma pro majori securitate habere voluerint et viderint expedire Et si prefatus Reginaldus heredes sui vel sui assignati confirmationem sedis apostolice super annuo redditu predicto decreverint impetrare volumus et obligamus nos ad consignandum quascunque litteras summo pontifici dirigendas quas sibi viderint posse competere Et hec omnia et singula pro nobis et successoribus nostris promittimus bona fide In cujus rei testimonium sigillum nostrum Philippi predicti quo in officio utimur una cum sigillo Prioris de Wattone presentibus litteris est appensum Data apud Wattone die Jovis in vigilia Sancti Laurentii martiris anno gratie millesimo tricentesimo tricesimo
Source (click image below to view full size)
