Charter Document - 06190028
| Charter Number: | 06190028 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1246 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has litteras visuris vel audituris Ricardus Dei misericordia magister ordinis de Simpringham et capitulum ejusdem ordinis salutem in Domino Universitati vestre notificamus quod cum aliquando inter nos et Abbatem et conventum de Passelet coram viris venerabilibus de Kyrkham et Novo burgo Prioribus et Magistro scolarum Maltuum judicibus a domino papa Innocentio quarto delegatis ipsius auctoritate sua moveretur super detentione cujusdam sumne pecunie de quadraginta marcis annuis nobis de bonis domus sue debitis tandem lis mota sub hac forma quievit videlicet quod nos ad religionis favorem et caritatis conservationem medietatem pecunie detente ipsis plene relaxavimus cum laboribus nostris et expensis ipsis omnino ab illius litis instantia quietam remittentes et specialiter renunciantes beneficio restitutionis in integrum super preteritis detentionibus dum modo iidem Abbas et conventus de cetero dictas quadraginta marcas nobis sine aliqua diminutione annuatim persolvant in domo de Driburch juxta formam litterarum per quas nobis erant prius obligati et secundum adjectionem obligationis quam postmodum nobis per litteras suas patentes fecerunt Actis die Jovis proxima post nativitatem beate Marie Virginis apud Driburch anno gratie millesimo ducentesimo quadragesimo sexto In hujus rei testimonium presens scriptum sigillorum nostrorum appositione roboravimus
Source (click image below to view full size)
