Charter Document - 06190027
| Charter Number: | 06190027 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1226 - 1229 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis tam presentibus quam futuris Walterus filius Alani domini Regis Scotie senescallus salutem Sciatis nos divine caritatis intuitu dedisse concessisse et hac carta nostra confirmasse Deo et Sancto Jacobo et Sancto Mirino de Passelet et monachis ibidem Deo servientibus et inperpetuum servituris omnes redditus in terris molendinis pasturis piscariis et aliis bonis que canonicis et monialibus de Simpringham prius contulimus et que ipsi postmodum resignaverunt sua voluntate spontanea Tenendum et habendum in puram liberam et perpetuam elemosinam adeo libere et quiete sicut aliqua elemosina ex donatione comitis vel baronis in regno Scotie liberius et quietius tenetur et possidetur Reddendo singulis annis inperpetuum quadraginta marcas in domo de Driburch predictis canonicis et monialibus vel eorum procuratori Hiis testibus domino Malcolmo comite de Fif Malcolmo filio comitis de Levenax Eimer de Makiswell Thoma Croc Adam Valensi Galfrido Marscall Willelmo de Perthic et multis aliis
Source (click image below to view full size)
