Charter Document - 06190026
| Charter Number: | 06190026 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 - 1230 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presentibus et futuris Walterus filius Alani domini Regis Scotie senescallus salutem Noveritis me divine caritatis intuitu concessisse dedisse et hac carta mea confirmasse Deo et conventui beate Marie de Dalmulin super Are totam terram et pasturam de Drumley et Swyneshales cum omnibus infra istas divisas contentis scilicet et sicut rivulus cadit de Cunigham inter Barbeth et Cnoccheyad et sicut ille rivulus descendit usque in rivulum de Drumgran et inde ascendendo usque in Silreth qui descendit subtus veterem domum meam versus aquilonem et sicut idem Silreth cadit in transversum in Laveran et per Laveran ascendendo usque ad divisas terre que fuit Roberti Croc de Neliston et sic per easdem divisas terre Roberti Croc usque ad divisas de Cunigham Item totam terram et pasturam de Petihaucingowin cum omnibus infra istas divisas contentis scilicet et sicut rivulus de Ardecapel descendit in lacum de Locwinnoc et sic ascendendo per eundem rivulum usque in Merburen per ipsas divisas per quas Alexander filius Hugonis ipsam terram de me aliquando tenuit et sic per Merburen descendendo usque in rivulum qui descendit de Loctancu et per eundem rivulum descendendo usque in Locwinnock et inde per ripam de Locwinnock usque in predictum rivulum de Ardecapel Tenendas et habendas cum omnibus pertinentiis suis libertatibus et aisimentis in puram et perpetuam elemosinam liberam et quietam ab omni seculari servitio et exactione Retentis mihi et heredibus meis in hiis terris et pasturis predictis feris et avibus tantummodo Ita tamen quod liceat prefato conventui ubicumque voluerint infra predictas divisas edificare [et] essartare ut domui sue viderint expedire absque molestia et impedimento Ego vero Walterus et heredes mei warantizabimus acquietabimus et defendemus inperpetuum Deo et prefato conventui beate Marie de Dalmulin super Are predictas terras et pasturas cum omnibus pertinentiis suis et de omnibus rebus contra omnes homines Hiis testibus domino Waltero Glasguensi episcopo Adam abbate de Melros Johanne abbate de Kilwinnin Waltero Olifard justiciario Laudonie David fratre suo Reginaldo de Crawford vicecomite de Are Malcolmo Loccard Malcolmo filio suo Hugone filio Reginaldi Rogerio filio Glay Ricardo Valenli Johanne de Mungumri Hectore de Carric magistro Hugone de Normavilla magistro de Nes Willelmo Luca Odardo capellanis Willelmo de Perthic Roberto de Ellesam clericis et multis aliis hominibus
Source (click image below to view full size)
