Charter Document - 06190024

Omnibus Christi fidelibus presentibus et futuris Walterus filius Alani domini Regis Scotie senescallus salutem Noveritis me divine caritatis intuitu fundasse quamdam domum canonicorum et monialium ordinis de Simpringham in loco qui dicitur Dalmulin super Are in terra de Mernes meque conventui ibidem Deo et beate Marie servienti et inperpetuum secundum formam ordinis prefati servituro concessisse dedisse et hac carta mea confirmasse totam terram de Mernes cum omnibus infra istas divisas contentis scilicet et sicut rivulus defendit in Are inter novam villam et fundum capelle Sancte Marie et sic ascendendo per eundem rivulum usque ad divisas de Hachenratheny et sic per rectas divisas de Mernes et de Hachenratheny usque ad terram Ricardi Walensis de Hachencrw et sic per divisas ipsius Ricardi de Hachencro usque in Are Preterea liberam et plenam communiam in turbariis de Prestwic et medietatem omnium piscariarum mearum que sunt inter castrum de Are et villam de Irwin videlicet et medietatem piscarie de Wohar et medietatem piscarie de Spetelcrag et medietatem piscarie de Selecrag et medietatem piscarie versus Yrewyne et molendinum de Prestwic cum sequela sua et omnibus pertinentiis suis et toftum Edok in nova villa super Are quod jacet inter toftum Matildis Gefting et toftum Walteri filii ipsius Edok cum libero servitio ipsius Edok Hec omnia concessi dedi et hac carta mea confirmavi Deo et conventui beate Marie ordinis de Simpringham apud Dalmulin super Are Tenenda et habenda cum omnibus pertinentiis suis libertatibus et aisiamentis sine aliquo retine mento in puram et perpetuam elemosinam liberam et quietam ab seculari servicio consuetudine et exactione sicut aliqua elemosina liberius et quietius datur et confirmatur pro Deo viris religiosis in regno Scotie Ego vero Walterus et heredes mei warantizabimus acquietabimus et defendemus inperpetuum Deo et conventui beate Marie de Dalmulin super Are universa supradicta cum omnibus pertinentiis suis de omnibus servitiis et exactionibus occassionibus et consuetudinibus et generaliter de omnibus rebus que aliquomodo accidere poterunt in posterum contra omnes homines Ut sibi hec mea donatio perpetuam obtineat stabilitatem presenti scripto in testimonium sigilli mei apposui impressionem Hiis testibus domino Waltero Glasguensi episcopo Adam abbate de Melros Johanne abbate de Kilwinyn Waltero Olifard justiciario Laudonie David fratre suo Reginaldo de Crawford vicecomite de Are Malcolmo Loccard Malcolmo filio suo Hugone filio Reginaldi Rogerio filio Glay Ricardo Walensi Johanne de Mungumri Hectore de Carric magistro Hugone de Normavilla magistro Nesso Willelmo Luca Odardo capellanis Willelmo de Pertheye Roberto de Ellesam clericis et aliis multis