Charter Document - 06190023
| Charter Number: | 06190023 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1226 - 1232 |
| Date type: | Assigned |
| Resource Link(s): |
People of Medieval Scotland |
Charter:
Walterus filius Alani domini Regis Scotie senescallus omnibus hominibus et amicis suis tam presentibus quam futuris salutem Sciatis me dedisse concessisse et hac presenti carta mea confirmasse Deo et Sancto Jacobo et Sancto Mirino de Passelet et monachis ibidem Deo servientibus in escambium totius terre quam apud Ennyrwic habuerunt et michi et heredibus meis per cartam suam quietam clamaverunt excepta una acra terre pertinente ad vicariam ex aquilonari parte cimiterii et exceptis messuagiis circa cimiterium usque ad rivulum cum orto et aliis aisiamentis que habere solebant ad decimas garbarum colligendas illam carucatam terre apud Hillington quam Radulphus capellanus tenuit cum omnibus justis pertinentiis et divisis suis Et triginta bollas farine annuatim percipiendas de Ada de Kent et heredibus suis pro terra sua de Ingliston et totum servitium ipsius Ade et heredum suorum inperpetuum cum libertate habendi infra forestam meam ultra Kert per visum forestariorum meorum focalium ad comburendum et meremium ad edificandum in predictis terris Tenendum et habendum in puram et perpetuam elemosinam adeo libere et quiete sicut aliqua elemosina in toto regno Scotie de dono comitis vel baronis liberius et quietius tenetur et possidetur Hiis testibus Malcolmo Loccard Malcolmo filio domini Maldovei comitis de Levenax Rogerio filio Glay David de Lyndesay Roberto de Mungumbry Johanne fratre suo Hugone filio Reginaldi Alano de Insula Willelmo Udard capellanis Roberto clerico et multis aliis
Source (click image below to view full size)
