Charter Document - 06190018

Walterus filius Alani dapifer Regis Scotie universis sancte matris ecclesie filiis tam presentibus quam futuris salutem in Domino Sciatis me dedisse et concessisse et hac presenti carta mea confirmasse Deo et Sancto Jacobo et Sancto Mirino de Passelet et monachis ibidem Deo servientibus secundum ordinem Cluniacensem in puram et liberam et perpetuam elemosinam totam terram inter Hauldpatric et Espedare sicut Hauldpatric defendit in Kertlochwinnoc et Espedare descendit ad terram monachorum jacentem inter le Linne et Kert in aquis et stagnis in pratis et pascuis in viis et semitis per rectas divisas suas et sicut Robertus Croc et Henricus de Nes et Willelmus Maidus cum aliis probis hominibus meis illam perambulaverunt ita quod infra predictas divisas assartabunt arabunt et edificabunt sine omni molestia et sepes facient et clausuras infra terminos predicte terre per circuitum secundum quod voluerint et viderint majorem utilitatem inde sibi posse omnimodo provenire exceptis avibus meis et feris Si vero contigerit animalia eorum predictas transire divisas infra Forineisim cum facta custodia in misericordia erunt de quinque vaccis et si capta fuerint nisi facta custodia pro quinque animalibus unus dabitur denarius et si extra Forineisim transierint pro decem animalibus unus dabitur denarius Preterea concessi eis in foresto meo ultra predictas divisas meremium sufficiens de viridi ad necessaria edificia et socalium de sicco et mortuo bosco sine districtione Concessi etiam eis ut habeant centum porcos in foresto meo ultra divisas suas per mensem tempore de pessun et ut homines eorum meremium habeant ad edificandum et socalium de mortuo bosco per considerationem forestarii mei Ipsi autem monachi nichil habebunt ultra divisas suas in foresto meo preter illa que presens carta mea commemorat Et sciendum quod dedi eis et concessi totam terram inter Mach et Caledouere de foresta tam ad edificandum et quiete possidendum et ad omnimodam eorum utilitatem faciendam sicut viderint majorem utilitatem inde sibi posse omnimodo provenire Insuper et dedi eis unam partem terre ex orientali parte molendini de Passelet usque ad wascellum ex occidentali parte crucis Domini sicut wassellus oritur de divisa monachorum et cadit in Kert Concessi etiam eis terram quam habent apud Renfru ubi monachi prius habitabant ad habitandum et ad edificandum in burgagium cum omnibus aisiamentis ville Insuper et dedi eis in Kile in foresto meo de Scanccathre meremium et focalium propriis usibus suis sine districtione et hominibus eorum servientium meorum consideratione Hec autem omnia prenominata dedi eis et concessi tenenda inperpetuum et habenda de me et heredibus meis in puram et liberam et quietam elemosinam sicut aliqua elemosina ex dono comitis vel baronis liberius quietius et honorificentius in regno Scotie tenetur et habetur Preterea quietam clamavi sepe dictis monachis calumpniam quam habui in Clochari Et concedo et confirmo eis omnes donationes et libertates quas Walterus avus meus et Alanus pater meus eis dederunt et cartis suis confirmaverunt Et sciatis quod ipsi monachi quietam clamaverunt insulam juxta oppidum meum de Renfru salva eis piscatura sua et libertate ad faciendam ex utraque parte aque ut voluerint piscaturam Hiis testibus Willelmo episcopo Sancti Andree Waltero Glasguensi episcopo Adam abbate de Melros Henrico abbate de Kelkou Nigello abbate de Kilwinin Waltero de Lindesai Willelmo de Linsai Alano de Mungumeri Malcolmo Loccard Roberto Croc Willelmo de Ylle Henrico de Nes Alano Croc Rogerio Avenel magistro Petro de Dribur Radulfo capellano Willelmo filio Maidi et multis aliis