Charter Document - 06190016
| Charter Number: | 06190016 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1204 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Alanus filius Walteri dapifer Regis Scotie concedo et hac mea carta confirmo domui mee de Passelet et monachis ibidem Deo servientibus et inperpetuum servituris donationem illam quam Henricus de Sancto Martino eis fecit per consilium meum et voluntatem et consensu Gilberti filii sui et heredis de tota terra sua inter Kert et Grif in liberam et perpetuam elemosinam eis semper habenda ita plene et integre sicut idem Henricus dictam terram plenius et integrius tenuit vel tenere debuit ex dono Walteri filii Alani patris mei Preterea ego ipse pro anima regis David et pro anima regis Macolmi et pro anima patris mei Walteri et matris mee Eschene et pro salute domini nostri Willelmi regis Scotie et heredum suorum et pro salute mei ipsius et heredum meorum dono concedo et hac mea carta confirmo eidem domui de Passelet et monachis ibidem Deo servientibus ecclesiam de Kengaif in insula de Bote cum omnibus capellis et tota parochia ejusdem insule et cum tota terra quam Sanctus Blanissicum dicitur olim cinxit a mari usque ad mare per metas certas et apparentes ita libere et quiete sicut aliqua ecclesia in toto regno Scotie tenetur liberius et quietius Hiis testibus Waltero de Costentin Nigello fratre ejusdem Roberto filio Fulberti Petro fratre ejusdem Galfrido de Costentin Roberto Croc Rolando de Mernis Rogero de Nes Malcolmo Lockart et multis aliis
Source (click image below to view full size)
