Charter Document - 06190014
| Charter Number: | 06190014 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1177 - 1199 |
| Date type: | Assigned |
| Resource Link(s): |
People of Medieval Scotland |
Charter:
Alanus filius Walteri dapifer regis Scotie universis sancte matris ecclesie filiis tam clericis quam laicis salutem Sciant presentes et futuri quod ego Alanus filius Walteri dono et concedo et hac carta mea confirmo Deo et Sancte Marie et ecclesie Sancti Jacobi et Sancti Mirini de Passelet et monachis ibidem Deo servientibus in liberam et perpetuam elemosinam pro salute domini mei Willelmi regis et pro salute mea et heredum meorum illam terram de Moniabroc in Stragrif cum ejusdem divisis per quas Robertus Croc et Henricus de Nes Willelmus filius Maidi cum aliis probis hominibus per preceptum meum eis illam perambulaverunt scilicet sicut torrens qui currit subtus Craghenbroc descendit in Lughor et sic per Lughor usque Cragmenan et sic per unum wacellum de West de Gragmenan usque in Caldouere et per Caldouere usque ad torrentem qui dicitur Cloghari et per eundem torrentem usque ad rupem de Bardristrenach et per proximum sicum subtus illam rupem usque in rivulum de Logan et per rivulum illum usque ad divisas de Cloghrodric et sic per divisas de Cloghrodric usque ad predictum torrentem qui currit subtus Craghenbroc Preterea concedo eis ut faciant et habeant dimidiam piscaturam in exitu lacus de Loghwinnoc et concedo eis libertatem piscandi in ipso lacu quotiens ego vel heredes mei in ipso piscari faciemus Hec autem omnia prenominata dono et concedo predictis monachis ita libere quiete plenaria et honorifice sicut alias elemosinas suas liberius quietius plenius et honorificentius tenent et possident Hiis testibus Henrico de Curmannoc Roberto Croc Willelmo Passelewe Henrico de Nes Jacobo capellano Ricardo clerico Willelmo filio Maidi Fulcono camerario Hugone de Malleville et multis aliis
Source (click image below to view full size)
