Charter Document - 06190012

Alanus filius Walteri dapifer Regis Scotie universis sancte matris ecclesie filiis tam presentibus quam futuris salutem Sciatis me dedisse et concessisse et hac mea carta confirmasse Deo et Sancte Marie et ecclesie Sancti Jacobi et Sancti Mirini et Sancte Mildburge de Passelet et Priori ejusdem loci et monachis ibidem Deo servientibus secundum ordinem Cluniacensem pro anima patris mei et anima Henrici regis Anglie et pro anima David regis et regis Macolmi et comitis Henrici et antecessorum meorum defunctorum et pro salute domini mei Willelmi regis et David fratris ejus et mei et uxoris mee et heredum meorum in perpetuam elemosinam et ab omni servitio temporali liberam et quietam ecclesiam de Ennyrwic cum omnibus pertinentiis suis Et molendinum de Ennyrwic totum preter unam marcam argenti quam dedit pater meus Radulfo de Kent Et ecclesiam de Lidgerdwode cum omnibus pertinentiis suis Et unam carucatam terre in Hastendene quam tenuit Walterus capellanus per easdem divisas per quas eam tenuit Et ecclesiam de Katkert cum omnibus pertinentiis suis Et omnes ecclesias de Stragris cum omnibus pertinentiis suis excepta ecclesia de Inchinan Et illam carucatam terre quam Grimketel tenuit Et le Drip cum omnibus pertinentiis suis in terris et in aquis per easdem divisas quibus Willelmus illam tenuit Et ecclesiam de Passelet cum omnibus pertinentiis suis Et carrucatas terre duas mensuratas et perambulatas circa aquam Kert juxta ecclesiam Et illam terram ultra Kert ex parte nemoris per easdem divisas per quas eam cum probis hominibus ego et pater meus eis perambulavimus Et illam portionem terre que est sub dormitorio monachorum Et totam terram quam tenuit Serlo et per easdem divisas cum illa maisura super rupem ubi aula patris mei erat fundata Et totam insulam juxta oppidum meum de Renfru cum piscatura inter ipsam insulam et Perthec Et unum toftum plenarium in Renfru Et dimidiam marcam argenti de firma ipsius burgi ad luminare ecclesie Et unum rete ad salmonem Et molendinum de Renfru Et terram ubi prius monachi habitaverunt Et illam carucatam terre que est inter Kert et Grif Et ecclesiam de Prestwic cum tota terra illa quam Dovenaldus filius Yweni eis perambulavit inter terram Simonis Locardi et terram de Prestwic usque ad Pulprestwic et secundum Pulprestwic usque in mare et a mari secundum torrentem inter terram Arnaldi et terram de Prestwic usque ad divisas Simonis Locardi Et illam ecclesiam de burgo meo de Prestwic cum omnibus pertinentiis suis Et totam salinum in Kalenter que fuit Herberti camerarii Dedi eis similiter et confirmavi decimam plenarium de venatione mea cum corriis Et preter hec omnia corria cervarum quas cepero in Ferineisun Et quatuor solidos ad luminare ecclesie de molendino de Passelet Et ut molant ibi absque multura proximi illi quem malentem invenerint preter meipsum de blado quod exierit de proprio granario meo Et preter hec plenarium decimam de ipso molendino de Passelet et de omnibus molendinis que habeo vel habiturus sum Dedi eis insuper et concessi et hac carta mea confirmavi decimam de cunctis vastis meis et de omnibus terris que in foresto meo edificate sunt vel edificabuntur Et omnia aisiamenta foresti mei de Passelet Et pasturam in eo domui sue et animalibus suis et porcis suis propriis sicut mihi et suis hominibus ut meis Si autem contigerit quod ego vel aliquis heredum meorum pecora nostra infra forestum habere voluerimus providebitur eis una pars de foresto que sibi et animalibus suis sufficere possit Preterea dedi eis et concessi et hac carta mea confirmavi decimum denarium de cunctis reditibus meis totius terre mee excepto de Kile Huic autem predicte elemosine mee cum ceteris dignitatibus suis libertates concedo et confirmo scilicet sac et soke tol et them et infangenthof His testibus Jocelino episcopo Glasguensi Herberto decano Simone archidiacono Helia de Perthec Fulcon Olifard Roberto de Costentin Waltero de Costentin Roberto Croc Roberto filio Fulberti Roberto de Kent Henrico de Cormannok Simone de Scoll Rolland Henrico de Sancto Martino Alano camerario Willelmo filio Roberti Alano de Mungumri Gaufrido Britt Ricardo filio Wlbrand Arnaldo de Perthec Rainaldo de Ketkert et multis aliis