Charter Document - 06190009

Walterus filius Alani dapifer Regis Scotie universis sancte matris ecclesie filiis salutes Sciatis me dedisse et concessisse et hac carta mea confirmasse Deo et Sancte Marie et ecclesie Sancti Jacobi et Sancti Mirini et Sancte Milburge de Passelet et Priori ejusdem loci et monachis ibidem Deo servientibus secundum ordinem Cluniacensem pro anima Henrici regis Anglie et pro anima David regis et regis Macolmi et comitis Henrici et antecessorum meorum defunctorum et pro salute domini mei Willelmi regis et David fratris ejus et mei et uxoris mee et heredum meorum in perpetuam elemosinam et ab omni servitio temporali liberam et quietam ecclesiam de Ennyrwic cum omnibus pertinentiis suis Et molendinum totum preter unam marcam argenti quam dedi in eo Radulfo de Kent Et unam carucatam terre ad sustentationem eorundem illis assignatam inter mare et ecclesiam de Ennyrwic Et ecclesiam de Lidgerdwode cum omnibus pertinentiis suis Et carucatam terre in Hastenden quam tenuit Walterus capellanus per easdem divisas per quas eam tenuit Ecclesiam de Ketkert cum omnibus pertinentiis suis Et omnes ecclesias de Stragris cum omnibus pertinentiis suis excepta ecclesia de Inchinan Preterea dedi eis et concessi et hac carta mea confirmavi decimum denarium de omnibus reditibus meis totius terre mee excepto de Kyle Volo itaque et precipio quod predicti monachi hec omnia prenominata teneant et possident ita libere quiete et pacifice sicut aliqua abbatia elemosinas sibi datas in regno Scotie liberius quietius et honorificentius tenet et possidet Hiis testibus Ricardo episcopo Sancti Andree Engelranno Glasguensi episcopo Johanne abbate de Kelcou Osberto abbate de Jedwrte Magistro Marco Salomone decano Alano filio meo Baldwino de Bigres Roberto de Mundegumbri Roberto de Costentin Roberto filio Fulberti Yweno filio Dovenaldi et multis aliis