Charter Document - 06190008

Walterus filius Alani dapifer Regis Scotie universis sancte matris ecclesie filiis salutes tam presentibus quam futuris Sciatis me dedisse et concessisse et hac carta mea confirmasse Deo et Sancte Marie et ecclesie Sancti Jacobi et Sancti Mirini et Sancti Myldburge de Passelet et Priori ejusdem loci et monachis ibidem Deo servientibus secundum ordinem Cluniacensem pro anima Henrici regis Anglie et pro anima David regis et regis Macolmi et comitis Henrici et antecessorum meorum defunctorum et pro salute domini mei Willelmi regis et David fratris ejus et mei et uxoris mee et heredum meorum in perpetuam elemosinam et ab omni servitio temporali liberam et quietam ecclesiam de Ennyrwic cum omnibus pertinentiis suis Et molendinum de Ennyrwic totum preter unam marcam argenti quam dedi in eo Radulfo de Kent Et ecclesiam de Ledgerdwode cum omnibus pertinentiis suis Et unam carucatam terre in Hastendene quam tenuit Walterus capellanus per easdem divisas per quas eam tenuit Et ecclesiam de Katkert cum omnibus pertinentiis suis Et omnes ecclesias de Stragrif cum omnibus pertinentiis suis excepta ecclesia de Inchinan Et illam carucatam terre quam Grimketel tenuit per easdem divisas per quas eam tenuit Et le Drep cum omnibus pertinentiis suis in terris et in aquis per easdem divisas quibus Willelmus illam tenuit Et ecclesiam de Passelet cum omnibus pertinentiis suis Et duas carrucatas terre mensuratas et perambulatis circa aquam Kert juxta ecclesiam Et illam terram ultra Kert ex parte nemoris quam ego et Alanus filius meus eis perambulavimus per easdem divisas per quas eam cum probis hominibus perambulavimus Et iliam portionem terre que est sub dormitorio monachorum Et totam terram quam tenuit Scerlo et per easdem divisas cum illa maisura super rupem ubi aula mea erat fundata Et totam insulam juxta oppidum meum de Renfru cum piscatura inter ipsam insulam et Perthec Et unum toftum plenarium in Renfru Et dimidiam marcam argenti de firma ipsius burgi ad luminare ecclesie Et unum rete ad salmonem Et molendinum de Renfru Et terram ubi monachi prius habitaverunt Et illam carucatam terre que est inter Kert et Grif Et ecclesiam de Prestwic cum tota terra illa quam Dovenaldus filius Yweni eis perambulavit inter terram Simonis Loccardi et terram de Prestwic usque Pulprestwic et secundum Pulprestwic usque in mare et a mari secundum torrentem inter terram Arnaldi et terram de Prestwic usque ad divisas Simonis Loccardi Et illam ecclesiam de burgo meo de Prestwic cum omnibus pertinentiis suis Et totam salinam in Kalenter que fuit Herberti camerarii Dedi eis similiter et confirmavi decimam plenarium de venatione mea cum coriis et preter hec omnia corria cervarum quas cepero in Forineisun Et quatuor solidos ad luminare ecclesie de molendino de Passelet Et ut molant ibi absque multura proximi illi quem molentem invenerint preter me ipsum de blado quod exierit de proprio granario meo Et preter hec plenarium decimam de ipso molendino de Passelet et de omnibus molendinis que habeo vel habiturus sum Dedi eis insuper et concessi et hac mea carta confirmavi decimas de cunctis vastis meis et de omnibus terris que in foresto meo edificate sunt vel edificabuntur Et omnia aisiamenta foresti mei de Passelet Et pasturam in eo domui sue et animalibus suis et porcis suis propriis sicut mihi et suis hominibus ut meis Si autem contigerit quod ego vel aliquis heredum meorum peccora nostra infra forestum habere voluerimus providebitur eis una pars de foresto que sibi et animalibus suis sufficere possit Huic autem predicte elemosine mee cum ceteris dignitatibus suis has libertates concedo et confirmo scilicet sac et soke tol et them et infangentheof Testibus Engelrano Glasguensi episcopo Ricardo episcopo Sancti Andree Johanne abbate de Kelcou Osberto abbate de Jedwrte Magistro Marco Salomone decano Elia clerico Magistro Johanne Alano filio meo Roberto de Mundegumbri Baldwino de Bigres Roberto de Costentin Gaufrido de Costentin Roberto filio Fulberti Yweno filio Dovenaldi Waltero de Costentin Nigello de Costentin Alexandro de Hesting Hugone de Padinan Ricardo Wal Roberto Croc Rogerio de Nes Ricardo clerico meo et multis aliis