Charter Document - 06190005
| Charter Number: | 06190005 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1162 - 1172 |
| Date type: | Assigned |
| Resource Link(s): |
People of Medieval Scotland |
Charter:
In Nomine Patris et Filii et Spiritus Sancti Que provide et rationabiliter fiunt ad posterorum notitiam scripto committere et usus et ratio exigit Cunctis itaque tam presentibus quam futuris notum facimus quod Walterus filius Alani dapifer Regis Scotie pro predecessorum suorum et anime sue remedio locum qui dicitur Passelet ad serviendum Deo construere volens a Domino Humbaldo priore et conventu de Wenloc fratres petiit qui ibidem degentes more Cluniaci monachorum regulariter viverent Volens autem idem Walterus ut fratres absque inquietatione aliqua et gravamine ibi manerent libertates quasdam et conventiones a prefato Priore et conventu de Wenloc petiit Cujus petitioni et devotioni Prior et conventus assensum prebentes ei que petebat concesserunt Unde et ego frater Sauaricus prior de Caritate ex parte nostra et totius conventus de Caritate quicquid Prior de Wenloc et conventus ipsi Waltero concesserunt concedimus et cartam ab ipsis confirmatam tam ipsi quam heredibus suis inperpetuum confirmamus et ut hoc ratum habeatur et inconvulsum maneat inperpetuum scripto hoc confirmamus et sigilli nostri impressione munimus
Source (click image below to view full size)
