Charter Document - 06190004
| Charter Number: | 06190004 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1163 - 1172 |
| Date type: | Assigned |
| Resource Link(s): |
People of Medieval Scotland |
Charter:
Stephanus Dei gratia humilis Cluniacensis abbas omnibus sancte matris ecclesie filiis et Christi fidelibus perpetuam in Domino salutem Universitati vestre innotescimus quod petitionem carissimi filii nostri Humbaldi prioris de Wenloc concedimus et inperpetuum ratam esse discernimus compositionem que facta est inter Priorem ecclesie de Wenloc et Walterum filium Alani dapiferum Regis Scotie de libertate loci qui dicitur Passelet et conventus ibidem constituti ut quemadmodum chyrographum factum de compositione et scripta ex utraque parte de confirmatione illius data et accepta testantur locus ille inviolatam et integram inperpetuum optineat libertatem Et ne ceca oblivione depereat quod de loci hujus libertate sancimus apicibus nostris et sigilli nostri auctoritate illud confirmamus et presentibus pariter et futuris inperpetuum observandum firmiter precipimus Ipsum etiam Walterum loci illius fundatorum et tanti beneficii largitorem in fratrem suscipimus et omnium orationum totius ordinis Cluniaci participem constituimus Et si absque habitu nostro vitam finierit quod absit fiat pro eo quantum pro uno fratrum nostrorum in tricennariis et missis et psalmis et omnibus aliis beneficiis
Source (click image below to view full size)
