Charter Document - 06190002
| Charter Number: | 06190002 |
|---|---|
| Cartulary Title: | Registrum Monasterii de Passalet |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1162 - 1163 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Walterus filius Alani dapifer Regis Scotie pro anima regis David et regis Henrici et comitis Henrici et pro animabus omnium parentum meorum et benefactorum et pro salute corporis et anime regis Malcolmi necnon et mei ipsius ad honorem Dei ipsius operante gratia constituam quandam domum religionis infra terram meam de Passelay secundum ordinem fratrum de Wenloc videlicet secundum ordinem monachorum Cluniacensium communi consensu et assensu Prioris et conventus de Wenloc Et ad domum illam construendam habeo de domo de Wenloc xiij fratres et prior qui de illis xiij predicte domui regende preficiatur per me et per meum consilium eligetur et si contingat ipsum priorem vel per mortem vel per criminalem prevaricationem a prioratu suo deponi per me et per meum consilium deponetur et qui ei in prioratum prefatum succedet per me et per meum consilium eligetur et hoc de fratribus ipsius domus quam fundabo si in ea inveniri poterit persona discreta et conveniens ad dignitatem talem suscipiendam sin autem de fratribus predicte domus de Wenloc quemcunque voluero excepto Priore ipso eligam ad regendam domum quam statuam et ita quod domus illa non erit respiciens de ulla re ad domum de Wenloc nisi tantummodo de recognitione ordinis Has quidem libertates ad opus domus illius quam statuam impetrabit mihi Prior et conventus de Wenloc ab Abbate monachorum Cluniacensium et a Priore de Charitate qui easdem libertates religioni de Passelet cartis suis confirmabunt Pro hiis autem libertatibus habendis domui predicte de Wenloc dabo in perpetuam elemosinam unam plenarium maysuram in burgo meo de Renfru et unum rete piscatorium ad salmones capiendos per proprias aquas meas et vj retia ad allecia capienda et unum batelum Libertates autem iste servabuntur illibate inter me et fratres de Wenloc et alios Cluniacensis ordinis et post decessum meum inter heredes meos et predictos fratres presentes et futuros Testibus istis Engelrano cancellario Regis Scotie Abbate de Rievall nomine Aielred Simone Cellar de Wardun Ricardo capellano Regis Scotie Simone fratre Engelrani cancellarii Roberto de Costentin Simone fratre Walteri filii Allani Apud Fodrigeiam
Source (click image below to view full size)
