Charter Document - 06181001

Universis has literas inspecturis vel audituris magister Walterus de Sancto Quintino archidiaconus Tanthon salutem in domino Noverit universitas vestra quod cum Prior et Canonici de Leghe ordinis sancti Augustini ex ordinatione domini nostri Joscelini bone memorie quondam Bathoniensis episcopi viginti solidos annuatim perceperint in Ecclesia de Saunforde et ipsos dictorum viginti solidorum Dominus Johannes de Arundelle dominus dicta ville per magnum tempus non sustinuerit ausu proprio gaudere asserens se ipsius ecclesie patronum optinuit per curiam domini Regis Walterus prenominato domino episcopo presentari cui custodie ejusdem ad ipsius ut asseritur presentationem priore predicto et canonicis reclamantibus et contradicentibus fuit commissa tandem post inultas altercationes inter ipsos super dicta advocatione tam in curia domini Regis quam alias habitas per finalem concordiam dictum placitum per cyrographum factum coram Rogero de Turkbur Gileberto de Prestone Willelmo de Sancto Edraundo Alano de Sorn apud Ivelcastre in octabis Purificatione beate Marie anno regni Regis Henrici filii Regis Johannis vicesimo septimo Justiciariis Itinerantibus Domini Regis sic inter eos conquievit videlicet quod dictus Johannes recognovit advocationem dicta ecclesie de Saunforde cum suis pertinentiis esse jus Prioris et ecclesie de Leghe Habendam et tenendam eidem Priori et successoribus suis et ecclesia de Leghe dictam advocationem cum suis pertinentiis in puram et perpetuam liberam et quietam elemosinam ab omni seculari exactione et demanda in perpetuum Et quia totalis jurisdictio episcopalis vacante sede episcopali de antiqua consuetudine ad quemcumque archidiaconum in suo spectabat archidiaconatu nos auctoritate dicta jurisdictionis episcopalis sede tunc vacante ad nos devolute considerantes quod dicti prior et canonici tot laboribus et expensis angustiati erant quod more solito hospitalitatem prout decuit exhibere transeuntibus non valebant vestigiis dicti domini episcopi inherere volentes et eorundem paupertati et utilitati in quantum secundum Deum possimus providere cupientes ut hospites melius et copiosius possint admittere et exhibere ad augmentandum eorundem elemosinam et ampliandum domus caritatem statuimus et ordinamus quod in predictorum Prioris et Canonicorum proprios usus predicta ecclesia convertatur Salvo hoc quod omnia ipsius ecclesie onera ordinaria debita et consueta sustineant et persolvant et quod dicta ecclesie per capellanum et clericum ydoneum faciant deservire Et quia juri archidiaconali per dictam appropriationem ratione sequestri et aliis ex causis posset derogari in posterum in aliquem eventum volumus et statuimus in recompensationem dicte lesionis quod in perpetuum archidiacono Tanthon et successoribus suis de dicta ecclesia synodalia duplicentur et duplicata una cum procuratione nobis et successoribus nostris debita eisdem in perpetuum reddantur Imitantes in hoc factum dicti domini Joscelini quondam Bathoniensis episcopi qui in ecclesiis quas de novo viris religiosis appropriavit predicta fieri statuit et ordinavit In cujus rei testimonium presentem cartam sigilli nostri impressione roboravimus Hiis testibus Magistro Roberto de Sancto Quintino canonico beate Marie Beluacensis Domino Henrico de Ivelcestre vicario de Chywtone Petro vicario de Milvertone Roberto capellano de Langeforde Willelmo de Russham Ricardo de Sancto Albano clerico Baldewino domino de Thome et multis aliis Datum apud Leghe anno Incarnationis Domini millesimo ducentesimo quadragesimo tercio mense Aprili die sancti Georgii martyris