Charter Document - 06180010
Charter Number: | 06180010 |
---|---|
Cartulary Title: | Remarks on some Early Charters and Documents |
Charter Language: | Latin |
Charter Origin: | Lay |
Charter Type(s): | Grant |
Date: | 1267 |
Date type: | Assigned |
Resource Link(s): |
|
Charter:
Sciant presentes et futuri quod Ego Rogerus Hemerici vendidi domino Danieli de Longocampo octo solidatas redditus extra portam australem Exonie pro sex marcis argenti quas mihi premanibus plenarie persolvit scilicet quatuor solidatas redditus quos mihi debuit Rogerus le Bruton de domo cum pertinentiis quam de me tenuit Et quatuor solidatas redditus quos mihi debuit Agnes Thatmayde de domo cum pertinentiis quam de me tenuit Et volo et concedo pro me et heredibus meis quod dictus Daniel vel quicunque alius vel alii cui vel quibus idem Daniel dictum redditum octo solidorum dare vendere vel assignare voluerit habeant et teneant eundem redditum imperpetuum quietum et solutum nullo iure mihi vel heredibus meis inde retento Et sciendum quod de residue tenementi mei ibidem scilicet domo quadam cum pertinentiis qua est intra predicta duo tenementa ego et heredes mei debemus aquietare predictas octo solidatas redditus de releviis et omnibus aliis serviciis et ideo eandem domum cum pertinentiis non poterimus vendere invadiare vel quoquo modo alienare Et quia volo quod hec vendicio mea firmitatem optineat perpetuam inter quatuor scanna Gialde Civitatis Exoniensis presenti scripto sigillum meum apposui Hiis testibus Waltero la Chawe tunc Majore Exonie Hugone de Langed et Philippe le Palmer tunc prepositis Illario Blondo R filio Henrici Johanne Thurberti Ricardo Walrand Rogero Liden Ricardo Busse Waltero de Molton Johne Palmere et multis aliis