Charter Document - 06180009
| Charter Number: | 06180009 |
|---|---|
| Cartulary Title: | Remarks on some Early Charters and Documents |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1200 - 1216 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Gyrardi de Cliste consensu et assensu heredum meorum concessi et hac presenti carta mea confirmavi Willelmo Hastement pro homagio et servitio suo donationem et quietam clamantiam unius forlingi terre in Kyldringthone cum omnibus pertinentiis suis in australi parte de Hesyle quam Walterus filius et heres Pagani Janitoris prefato Willelmo Hastement concessit et carta sua confirmavit Tenend et habend eidem Willelmo et heredibus suis de me et de heredibus meis jure hereditario in perpetuum libere et quiete integre et pacifice in boscho et plano in pratis et paschuis in viis et semitis in aquis et mariscys et cum omnibus aliis libertatibus eidem forlingo pertinentibus Reddendo inde annuatim michi vel heredibus meis unam libram cymini ad Natale Domini pro omni servitio salvo regali servitio quantum pertinet ad unum forlingum terre Pro hac autem concessione et confirmatione mea dedit michi predictus Willelmus unum annulum aureum cum una gerneta in recognitione Quod ut ratum et inconcussum in perpetuum permaneat presenti scripto et sigilli mei munimine confirmavi Hiis testibus Eudone de Bellocampo tunc vicecomite Devonie per Robertum de veteri ponte Ricardo Flandrensi Martino de Fisacre Waltero de Colom Johanne Cola Reginaldo Wauthorth Waltero Thurbert Nicholas Gervasii Waltero La Chawe et multis aliis
Source (click image below to view full size)
