Charter Document - 06180007
| Charter Number: | 06180007 |
|---|---|
| Cartulary Title: | Remarks on some Early Charters and Documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1311 |
| Date type: | Internal, A.D., Regnal |
| Resource Link(s): |
|
Charter:
Pateat universis per presentes quod cum ego Johannes de Clavilla diversas cartas Walteri de Clavilla antecessoris mei et aliorum antecessorum meorum inspexerim continentes quod ipsi antecessores pro salute sua et salute antecessorum suorum et successorum suorum dederint et concesserint Ecclesie Dei et Sancte Marie Sanctique Johannis Evangeliste de Leghe totam decimam redituum diversarum terrarum suarum ab ipsis et heredibus suis prefate ecclesie reddendam ego dictus Johannes successor dicti Walteri et hereditario jure tenens predictarum terrarum decem solidos et octo denarios de decimis quorumdam redituum predictorum per viginti et sex annos in festo Sancti Michaelis proximo ante diem confectionis presencium annuatim a retro existere fateor per presentes Et ad anime mee et antecessorum meorum et successorum meorum periculum magis evitandum volo et concedo quod ego dictus Johannes heredes et assignati mei dictos decem solidos et octo denarios per tempus predictum subtractos ecclesie predicte et Religiosis Dominabus Abbatisse et Conventui ibidem Deo servientibus et successoribus suis in puram et perpetuam elemosinam de cetero annuatim ad quatuor anni terminos principales equis porcionibus persolvere teneamur imperpetuum videlicet de decima quorumdam redituum de Mordone octo solidos et de decima Brewer ibidem duos solidos et octo denarios Insuper volo et concedo pro me et heredibus et assignatis meis quod si in solucione decem solidorum et octo denariorum predictorum in toto vel in parte suis terminis defecerimus [quod absit] quod ballivi domini Comitis Gloucestrie qui pro tempore fuerint sumptibus nostris nos per nostras dictas terras distringant et districtiones teneant quousque predictis Dominabus Abbatisse et Conventui ut de jure Ecclesie predicte plenarie fuerit satisfactum In cujus rei testimonium presentibus sigillum meum apposui Dat apud Legh Canonicarum undecimo die Maii anno Domini MCCCXJ et regni R Edwardi fil R Edwardi iiij
Source (click image below to view full size)
