Charter Document - 06180006
| Charter Number: | 06180006 |
|---|---|
| Cartulary Title: | Remarks on some Early Charters and Documents |
| Charter Language: | Latin |
| Charter Origin: | Royal |
| Charter Type(s): | Letters Patent |
| Date: | 1331 |
| Date type: | Internal, A.D., Calendar |
| Resource Link(s): |
|
Charter:
Edwardus Dei gratia rex Anglie dominus Hibernie et Dux Aquitanie omnibus ad quos presentes littere pervenerint salutem Sciatis quod cum dominus E quondam rex Anglie avus noster pro urgentis simis negociis suis et pro utilitate et defensione tocius regni sui recepisset de abbatissa et monialibus de Canounleghe per manus tunc thesaurarii et camerariorum ejusdem avi nostri de scaccario suo sexcentas sexaginta et duodecim libras quinque solidos decem denarios et unum obolum per visum et testimonium David de Seryngtone clerici ejusdem abbatisse idemque avus noster sextodecimo die Septembris anno regni sui vicesimo secundo per litteras suas patentes sigillo scaccarii sui signatas promisisset prefatis abbatisse et monialibus de predicta pecunie summa satis fieri facere cum ab ipsis super hoc esset requisitus ac dominus E nuper rex Anglie pater noster vicesimo die Marcii anno regni sui quarto per litteras suas patentes magno sigillo suo signatas concessisset eisdem abbatisse et monialibus quod de custodiis quas ad manus suas contingeret devenire liberarentur prefatis abbatisse et monialibus centum librate terra seu redditus per annum per rationabilem extentam inde faciendam tenend et habend quousque inde ad plenum levassent et habuissent sexcentas sexaginta et duodecim libras quinque solidos decem denarios et unum obolum supradictos prout in litteris dictorum avi et patris nostrorum predictis per predictas abbatissam et moniales nobis in cancellariam nostram restitutis plenius continetur De qua quidem pecunie summa predicte abbatissa et moniales solucionem seu alias satisfactionem hactenus ut asserunt assequi non potuerunt per quod nobis per petitionem suam coram nobis et consilio nostro exhibitam supplicarunt ut eis inde solutionem seu alias satisfactionem fieri jubere velimus competentem Nos volentes prefatis abbatisse et monialibus de predicta pecunie summa satisfieri ut est justum concessimus eisdem abbatisse et monialibus quod ipsi singulis annis a primo die Junii proximo preterito computandis postquam mille libre tam de antiqua quam nova custumis in portu ville nostre Suthamptone ad opus nostrum levate fuerint medietatem tocius residui earundem custumarum custuma vinorum dumtaxat excepta percipiant et habeant per manus collectorum nostrorum custumarum earundem qui pro tempore fuerint quousque predicte abbatissa et moniales dictos sexcentas sexaginta et duodecim libras quinque solidos decem denarios et unum obolum receperint de medietate supradicta In cujus rei testimonium has litteras nostras fieri fecimus patentes Teste meipso apud Westmonasterium xv die Octobris anno regni nostri quinto Per ipsum Regem
Source (click image below to view full size)
