Charter Document - 06180002

Omnibus Christi fidelibus ad quos presens scriptum pervenerit frater Henricus prior de Leghe et ejusdem loci canonici salutem in domino Noverit universitas vestra quod cum simus vicini viri venerabilis magistri Walteri de Sancto Quintino archidiaconi Tanthon et ipse a nobis gratiam specialem et magnam optinere meruit cum in multis urgentis simis arduis et necessariis negotiis nobis et ecclesie nostre profuerit abundanter et domus nostre paupertatem in pluribus sui gratia valde liberaliter et gratanter relevaverit nolentes vicium in gratitudinis incurrere set pocius grata vicissitudine eidem respondere pro posse nostro licet non a pari hoc facere possimus habito prudentiare virorum consilio de communi et unanimi assensu omnium nostrorum maxima et diutina super hoc prehabita deliberatione predicto magistro Waltero archidiacono duas acras terre de la Wudehulle cum omnibus pertinentiis suis que jacent inter terram que fuit Symonis de Lukcumbe et terram qua fuit Sampsonis de Raddune una cum advocatione ecclesie beate Margarete de Thorne et suis assignatis seu attornatis religiosis et aliis predictis rationibus et aliis quam pluribus moti concedimus et donamus pure sponte et absolute absque aliquo retine mento in perpetuum cum eadem libertate et collatione et pociori si possimus quam habemus a Baldewino de Thorne quondam ejusdem ecclesie advocate Et omnia predicta cum omnibus suis pertinenciis eidem archidiacono et successoribus sive assignatis suis in perpetuum contra omnes homines plene warentizabimus Cartam vero dicti patroni per quam nobis dictam terram cum advocatione ecclesie contulit dictus Baldewinus in hec verba inseri fecimus [] Quam quidem terram cum advocatione dicte ecclesia et omnibus pertinentiis suis tam de consensu dicti Baldewini quondam advocati ejusdem ecclesie quam nostro communi et unanimi assensu omnium nostrorum dedit et concessit dictus archidiaconus ecclesie de Milvertone in perpetuum que est prebenda ecclesie Wellensis dicto archidiaconatu Tanthon in perpetuum annexa Ita quod quicumque qui pro tempore in posterum tenuerit sive habuerit dictam ecclesiam de Milvertone cum predicta terra et ecclesia de Thome inveniat annuatim in perpetuum apud Well in vigilia obitus dicti magistri Walteri de Sancto Quintino archidiaconi Tanthon viginti solidos distribuendos per manus communi ariorum inter canonicos et clericos ecclesie Wellensis qui die anniversarii sui et in vigilia in choro interfuerint sollempni celebrationi dicti anniversarii ejusdem usque ad plenam dicti servicii consummationem Item et quod preter hec inveniat annuatim in perpetuum in quatuor anni terminis videlicet in festo Sancti Michaelis Natalis Domini Pasche Nativitatis Sancti Johannis Baptiste equis portionibus quadraginta solidos ad sustentationem unius capellani qui singulis diebus per annum faciet in ecclesia Wellensi plena servitium defunctorum cum Commendatione Placebo et Dirige pro anima dicti Walteri de Sancto Quintino et Joscelini bone memorie quondam Bathoniensis episcopi qui dicto Waltero dictum archidiaconatum contulit et Johannis presbiteri et thesaurarii Saresbiriensis avunculi dicti Walteri qui ipsum educavit et patris et matris ejusdem Walteri specialiter et pro animabus omnium benefactorum ecclesie Wellensis de Milvertone et Thome et pro animabus omnium fidelium defunctorum liberandos capellano et ejusdem ecclesie vicario qui dictum servitium fecerit per manum communi arii Wellensis qui pro tempore fuerit Qui capellanus in festo Sancti Michaelis ammovebitur per archidiaconum Tanthon qui pro tempore fuerit et per eundem alius de anno in annum loco ejusdem substituetur in perpetuum Quod si in ammovit ione vel in substitutione predicta negligens fuerit vel remissus vel minus ydoneum substituerit archidiaconus memoratus per negligentiam suam eo anno ipsius amotio et substitutio ad capitulum Wellense pertineat Et si forte capellanus ad dictum servitium assignatus impedimento quocumque detentus dictum servitium aliquo die vel tempore facere non poterit vel voluerit vel non fecerit alius loco suo ydoneus illud faciat et emolumentum tanti temporis per quod illud fecerit plene percipiat Ita quod alterius impedimento cessante ille ut prius usque terminum suum illud perficiat Quod si forte episcopus vel archidiaconus Tanthon vel alius qui dictam ecclesiam de Milvertone habuerit vel tenuerit collationem predictam modum et formam ratum habere vel stare noluerit vel ipsam non observaverint vel ipsius observationem perturbaverint quominus in forma predicta stare nequierit vel non steterit ex tunc irrita sit et nulla penitus per omnia collatio et assignatio predicte et sub predictis modo et forma et tenore in omnibus devolvatur ad capitulum Wellense Ita quod capitulum Wellense habeat et teneat omnia predicta in usus commune sue in perpetuum et fieri faciat dicta servitia sub eisdem modo et forma in omnibus et per omnia ut predictum est Quod si forte capitulum Wellense predicta per omnia lacere noluerit vel non fecerit extunc irrita et penitus nulla habeatur collatio et assignatio predicta facta capitulo Wellensi et devolvatur absolute ad Prioratum de Leghe Ita quod in ecclesia sua de Leghe fieri faciant dicta servitia annuatim in perpetuum sub modo et forma predicta non per canonicum set per capellanum secularem quem in domo sua ad hoc teneant de anno in annum per visum archi[diaconi] Tanthon qui pro tempore fuerit et ad hoc faciendum per subtractionem beneficiorum que habet Prioratus de Leghe in archidiaconatu Tanthon compellat archidiaconus Tanthon sepe dictus In cujus rei robur approbationem confirmationem et testimonium presenti carte tam ego frater Henricus Prior de Leghe et ejusdem loci canonici quam dictus Baldewinus et Walterus archidiaconus memoratus sigilla nostra apposuimus Hiis testibus Magistro Roberto de Sancto Quintino canonico ecclesie beate Marie Beluacensis Domino Henrico vicario de Chiwetone Petro vicario de Milvertone Roberto de Langeforde capellano Willelmo de Russham Ricardo de Sancto Albano clerico Baldewino de Thome et aliis Datum apud Leghe anno Incarnationis Domini millesimo ducentesimo quadragesimo tercio mense Aprili die Sancti Georgii