Charter Document - 06170019
| Charter Number: | 06170019 |
|---|---|
| Cartulary Title: | The Manuscripts of His Grace the Duke of Rutland preserved at Belvoir Castle |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1190 - 1197 |
| Date type: | Assigned |
| Resource Link(s): |
|
Charter:
Guillelmus Comes de Ferariis omnibus hominibus suis et amicis Francis et Anglicis presentibus et futuris salutem Noverit universitas vestra me confirmasse et presenti carta mea concessisse deo et Sancte Marie de Derleia et canonicis ibi deo servientibus in puram et perpetuam elemosinam donationes et concessiones omnes quas avus meus Robertus Comes de Ferariis vel pater meus Guillelmus eis dederunt et cartis suis confirmarunt scilicet Aldewerc et Sewelledale et oratorium cum herdewicis suis salvo jure Johannis Item ex dono patris Guillelmi comitis de Ferariis duo bisantia vel iiij solidos de mea ecclesia de ettokeshad in vita Ricardi de Curcun et Philippi de Duffeld et post decessum illorum duas marcas argenti in perpetuum de illa quicunque eandem ecclesiam tenuerit Item ex dono predicti avi mei et patris mei concedo eisdem canonicis de bosco meo de Duffeld cotidie quantum potest una biga attrahere et licentiam conducendi boscum suum vel mairenum per mediam forestam meam bis in anno sicut carta patris mei testatur Item ex dono Henrici filii Fulcheri dimidiam marcam in molendino meo de Duffeld reddendo mihi annuatim quatuor aucas Item ex dono eiusdem Henrici et filii eius Fulcheri molendinum de Aldeport et molendinum in Derbi super Derwentam Hec omnia supradicta cum omnibus libertatibus quas avus meus Robertus Comes de Ferariis et pater meus Guillelmus prefatis canonicis dederunt et concesserunt Ego Guillelmus Comes de Ferariis eis concessi et hac carta mea confirmavi et pro salute anime mee et omnium predecessorum meorum Abbatem et Abbatiam de Derleia in manu et protectione mea suscepi Hiis testibus Domino Nicholao abbate Burtone Nicholao monacho Guillelmo de Ridwar dapifero Comitis Roberto de Ferariis Henrico de Ferariis Henrico filio Wakelini Magistro Albino Herberto fratre abbatis de Burtona Magistro Willelmo de Uttokeshad Guillelmo de Wenel et multis aliis
Source (click image below to view full size)
