Charter Document - 06170011
| Charter Number: | 06170011 |
|---|---|
| Cartulary Title: | The Manuscripts of His Grace the Duke of Rutland preserved at Belvoir Castle |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 |
| Date type: | Internal, Regnal, Feast |
| Resource Link(s): |
|
Charter:
Johannes Comes Moretonie omnibus hominibus et amicis suis Francis et Anglicis presentibus et futuris salutem Sciatis me concessisse et hac carta mea confirmasse Ricardo de Vernon pro homagio et servicio suo vj libras sterlingorum de terra de Tideswell per manum Warini de Tideswell singulis annis recipiendas quamdiu idem Warinus vixerit et post mortem ipsius Warini tenebit idem Ricardus predictam terram et heredes sui de me et heredibus meis per servicium quarte partis j militis mihi et heredibus meis inde pro omni servicio tam in vita Warini quam post mortem ipsius faciendum Quare volo et firmiter precipio quod idem Ricardus et heredes sui post ipsum habeant et teneant predictum redditum dum idem Warinus vixerit et post mortem eius terram predictam per predictum servicium bene et in pace plenarie et integre in bosco et plano in pratis et pascuis in viis et semitis in moris et mariscis in molendinis et stagnis et omnibus aliis locis et libertatibus et liberis consuetudinibus ad terram illam pertinentibus Hiis testibus Willelmo de Wennesvalle Reginaldo de Wassenvill Engelramno de Pratellis Radulfo de Trublevilla Roberto de Teilleio Fulcone de Cantelupo Waltero fratre suo Willelmo de Cantelupo et multis aliis Anno regni domini Regis Ricardi quarto Dominica proxima post octabas Apostolorum Petri et Pauli apud Porcestriam
Source (click image below to view full size)
